Matewu 19:24 - Bhiblia Yo Sawuleka

²⁴ Na engeta ni txi mi gela ku khani: Ta hehuka ngutu kuwulela dikamelu ha ditshokoni ka txhingani, kupinda kuwulela nyatithombe Mfumoni ka Txizimu.”

Matewu 19:24 Referans Kwoze

Johani 5:44

Mi nga kholwisa kutxani, anu mi dhumisanako ngu txanu, mi si laviko wudhumo wu wu tako ngu ka Txizimu txi i ku tximwetxo dwe.

Luka 18:25

Ti nga hehuka kuwulela dikamelu ka ditshoko da txhingani, kupinda kuwulela nyatithombe Mfumoni ka Txizimu.”

Matewu 19:26

Jesu a to va wonisisa, a txi khene kwawe: “Ka vathu eto kha ti koteki, aniko ka Txizimu totshe ta koteka.”

Jeremiya 13:23

Ina Muetiyopiya a nga txitxa mxowo wakwe kani? I di ku ngeto, nanu mi nga sikota kumaha tinene, anu mi nga tolovela kumaha kubiha.

Matewu 23:24

Vaxengetelinu va mabhofu, mi sefako tshuna, mi txi mita dikamelu!”

Matewu 19:25

Vagondiswa, ngako va txi engisa tiya, va to xamala ngutu, va txi kha vona: “Se i di to, ku na huluka mani?”

Johani 3:3

Jesu a to xamula a txi khene kwakwe: “Ngu ditshuri, ngu ditshuri, na kugela ku khani: Ngako m'thu asi velekwi da wumbidi, kha na kusikota kuwona Mfumo wa Txizimu.”

Johani 3:5

Jesu a to xamula a txi khene kwakwe: “Ngu ditshuri, ngu ditshuri, na kugela ku khani: Ngako m'thu asi velekwi ngu mati ni Moya, kha na kusikota kuwulela Mfumoni ka Txizimu.