Matewu 19:23 - Bhiblia Yo Sawuleka

²³ Se konaho, Jesu a to gela vagondiswa vakwe a txi khene: “Kha ditshuri na mi gela ku khani: Ta karata kuwulela Mfumoni ka nzumani awule a ku ni tithomba.

Matewu 19:23 Referans Kwoze

Matewu 13:22

Awule a nga amukela mbewu hagari ka mipa, ngu wule a engisako dipswi, aniko sithikamezo sa ditiko ni kuxengwa ngu tithomba, sa kama dipswi kasi di si veleki mihando.

Marku 10:23

Sekoko Jesu a to rumaruma, e gela vagondiswa vakwe a txi khene: “Ta karata ngutu ta tinene kuwulela Mfumoni ka Txizimu avale va ku ni tithomba.”

Luka 18:24

Ku ti ngako Jesu a di woni ti to ana ni dikhodho ngutu, a ti khene: “Ta karata ka va va ku ni tithomba kuwulela Mfumoni ka Txizimu.

1 Vakorinto 1:26

Ngu toneto, vanathu, pimisani ati mi nga dhanelwa tona ngu Txizimu: Hagari kwanu kha ku nga ho vazivi vavangi ngu mapimiselo a txithu, hambi va mtamo, hambi va i ku sivelekwa.

Johani 3:3

Jesu a to xamula a txi khene kwakwe: “Ngu ditshuri, ngu ditshuri, na kugela ku khani: Ngako m'thu asi velekwi da wumbidi, kha na kusikota kuwona Mfumo wa Txizimu.”

Mavingu 11:28

Awule a thembako ka tithomba takwe a na wa, aniko vo lulama va na fana ni mwasi wo nakana.

Jakobe 2:6

Aniko, anu mi nyenyile txisiwana! Se ina hi nga vanyatithombe va mi tsotsorolako kani? Vonavo va mi ndindako ve mi yisa kuthethiswani kani?

Mithumo 14:22

Va ti tsimbila va txi tsanisa timbilu ta vagondiswa ni ku va laya ti to ve timisela amu ka likholo, nguko, kha vona, hi fanete kuamukela sixaniso sasingi, kasiku hi sikota kuwulela Mfumoni ka Txizimu.

Johani 3:5

Jesu a to xamula a txi khene kwakwe: “Ngu ditshuri, ngu ditshuri, na kugela ku khani: Ngako m'thu asi velekwi ngu mati ni Moya, kha na kusikota kuwulela Mfumoni ka Txizimu.

Matewu 18:3

a txi khene: “Kha ditshuri ni khani kwanu: Ngako mi si tshumeli mi txi fanana ni vanana vavadotho, kha mi na mbi sikota kuwulela Mfumoni ka nzumani.

Matewu 5:20

Nguko ani na mi gela ti to ngako anu mi si mahi kuranda ka Txizimu ngu kuthembeka kupinda vabhali ni Vafarisi, kha mi na mbi wulela Mfumoni ka nzumani.”

Matewu 21:31

Se i mani ka vona va vavambidi, awu a nga maha kuranda ka tate wakwe, kani?” Se vona va txi kha vona: “Ngu wule wo khata.” Jesu a to va gela a txi khene: “Ngu ditshuri nanani na mi gela: Vakhupisi ni magelegele va na mi thangela kuwulela Mfumoni ka Txizimu.

Matewu 19:22

Ngako a txi engisa tiya, awule wa dijaha a to tsukula e khukha, nguko a ti ni tithomba.