Matewu 19:16 - Bhiblia Yo Sawuleka

¹⁶ Konaho, mmweyo a to mtshuketela, a txi khene kwakwe: “M'gondisi wamnene, nji txani txa txinene ni fanelako ku txi maha, kasiku ni mana wutomi wo mbi guma kani?”

Matewu 19:16 Referans Kwoze

Judha 1:21

ti veketeni lirandoni ka Txizimu, mi txi veka kuthemba kwanu ka wumbilu wa Mkoma Wathu Jesu Kristu, kasi ku mi na mana wutomi wo mbi guma.

Johani 3:15

kasiku awule a kholwako kwakwe a na mana wutomi wo mbi guma.”

1 Johani 5:20

Athu ha tiziva ti to a tile Mwanana wa Txizimu, e ta hi ninga mapimo, kasi kuziva Txizimu txa ditshuri. Se athu hi maneka hi di tshangani ni Txizimu txi i ku txa ditshuri, ngu konaho ka Mwanana wa txona Jesu Kristu. Awuwa ngene i ku Txizimu txa ditshuri ni wutomi wo mbi guma.

1 Johani 1:2

Wutomi wu ti kombisile, nguko hi wu woni, ha wu fakazela; se ha mi zivisa ta wutomi wuwa wo mbi guma, awuwa wu nga ti ni Tate, wu nga ti kombisa kwathu;

Matewu 25:46

Se avava va na tsula kutsayiswani ko mbi guma; ani valulami va na yiswa ka wutomi wo mbi guma.”

Titosi 3:7

Txizimu txi mahile tiya kasi ku hi txi mahwa valulami ngu mtamo wa kateko ya txona, ni kumahwa vadyi va thomba ya wutomi wo mbi guma, awu hi wu rinzelako.

1 Johani 2:25

Txithembiso txi a nga hi mahela ngu txiya: Wutomi wo mbi guma.

Titosi 1:2

ngu kuthemba wutomi wo mbi guma, wu nga thembiswa, ku sinzi kuhoka timbimo to mbi guma ngu Txizimu, atxi txi si wombiko makuhu,

1 Timoti 6:19

Va txi mahisa eto, va na va va txi ti vekela txuma txo tshura, txo tsana, txa mbimo yi yi tako, kasiku ve mana wutomi wa ditshuri.

1 Timoti 6:12

Lwana yimbi ya yinene ya likholo ñolisisa wutomi wo mbi guma, awu u nga dhanelwa wona, awu u nga wu fakazela ngu nzila yo tshura masoni ka timwani tifakazi ta tingi.

Mithumo 16:30

Se ngako a di va humisile hahanze, a to khene kwawe: “Vanyamne, nji txani ni fanelako ku txi maha kufela ku ni hulukiswa kani?”

Varoma 5:21

ti to ngako kuonha ku nga fuma ngu lifo, kateko ni yona yi fanela kufuma ngu kululama ku ku yisako ka wutomi wo mbi guma, ngu Jesu Kristu Mkoma Wathu.

Varoma 2:7

Txi na ninga wutomi wo mbi na magwito, ava vo simama kumaha ta tinene, ngu kulava wudhumo ni lisima ni wutomi wo mbi guma, ngu kutimisela ka mithumo yo tshura;

Johani 12:25

Awule a dhundako wutomi wakwe a na mwalalelwa ngu wona, ani wule a vengelako wutomi wakwe ditikoni muwa, a na wu veketa kala kuhanyani ka wutomi wo mbi guma.

Johani 10:28

Ani na ti ninga wutomi wu wu si gumiko. Txima kha ti na mbi lova ni ditshiku ni da dimwedo, kambe kha ku na m'thu wu a no ti honyola manzani kwangu.

Johani 6:68

Simoni Pedro a to angula a txi khene: “Hi na ya ka mani kani Mkoma kani? Awe ngawe u ku ni mapswi a wutomi wo mbi guma.

Johani 6:47

“Ngu ditshuri, ngu ditshuri, na mi gela, ni khani: Awule a kholwako kwangu, ana ni wutomi wo mbi guma.

Johani 5:39

Anu mi wonisisa Mibhalo ngu kualakanya tito, mi na mana wutomi wo mbi guma ka yona, kasi ngu yona yi ni fakazelako.

Johani 4:14

aniko awule a selako mati yawa ni no mninga ani, kha na mbiswa a txi pfa ditora; kambe mati yawa ni no mninga, ma na hinduka mndani kwakwe ma txi maha txisima txa mati yawa ma mu ningako wutomi wo mbi guma.”

Matewu 19:29

Se wuhi ni wuhi, a nga leka tinyumba, vanawe, tindiyakwe, tate, mame, msikati, vanana mwendo tithembwe ngu mhaka ya ditina dangu, a na amukela sa kupinda ngutu asile, se ngu msana a na mana thomba ya wutomi wo mbi guma.

Dhaniyeli 12:2

Se wungi wa vale va nga otela ha mafuni va na wuka, vamwani va na wuka ve yiswa ka wutomi wo mbi guma; kasi vamwani va na yiswa kueyiswani ni tinganani to mbi guma.

1 Timoti 1:16

A ni mahete wumbilu ani txionhi txo thanga, kasiku Jesu Kristu a txi kombisa ngu ngani kotshe kutimisela ka mbilu yakwe, a txi ni maha txikombiso ka vale va no kholwa kwakwe, ti to ve mana wutomi wo mbi guma.

Matewu 19:26

Jesu a to va wonisisa, a txi khene kwawe: “Ka vathu eto kha ti koteki, aniko ka Txizimu totshe ta koteka.”

Matewu 19:15

Ngako a di va sanzekile manza, a to khukha a txi tsula.