Matewu 18:9 - Bhiblia Yo Sawuleka

⁹ Se ngako diso dako di txi kukhuvekisa, diphokonyole u txi di tshotsha kule ni nawe; nguko i txhuko kwako kuwulela kuhanyani ni diso dimwedo, kupinda kutshotshwa Gehena ka mndilo u di ni maso a mambidi.”

Matewu 18:9 Referans Kwoze

Mithumo 14:22

Va ti tsimbila va txi tsanisa timbilu ta vagondiswa ni ku va laya ti to ve timisela amu ka likholo, nguko, kha vona, hi fanete kuamukela sixaniso sasingi, kasiku hi sikota kuwulela Mfumoni ka Txizimu.

Matewu 18:8

Ngu toneto, ngako diwoko mwendo mnenge wako si txi kukhuvekisa, si wile, u si tshotsha kule ni nawe! I txhuko kwako kuwulela kuhanyani u di txilima mwendo u txi khwita, kupinda kutshotshwa mndiloni ko mbi gwita, u di ni mawoko a mambidi ni minenge ya yimbidi.

Matewu 5:29

Ngako diso dako da txinene di txi kukhuvekisa, di phokonyole, u txi di tshotsha kule ni nawe nguko i txhuko kuluzekelwa ngu txihango txako txa tximwetxo, kupinda kutshotshwa mndiloni ka Gehena wotshe mmidi wako.

Matewu 5:22

Aniko ani ni khani: Awule a henyelako mkwawe a na yiswa kuthethiswani. Awule a rukako mkwawe a txi khene: ‘Txiphukuphuku’ a na ya lamulwa banzani. Ani wule a rukako mkwawe a txi khene ‘Dihundwa’, a na sungwa e rinzwa mndiloni ka Gehena.

Mtuletelo 21:27

Ka dona kha ku na mbi thuka ku txi wulela ni txihi txilo txa nzambwa, hambi va va mahako to nyenyeza ni vamakuhu. Va na wulela dwe avale va nga bhalwa dibhukuni ka wutomi wa Txinvutana.

Vahebheru 4:11

Ngu toneto, he khutaleleni kuya wulela kona kuhumulaniyo, kasiku ni wammweyo asi wi, ngu mhaka ya kukanyisa ko fana ni kwawe.

Marku 9:47

Se ngako diso dako di txi kuyisa txionhoni, di thavise; ta vhuna ngutu kwako kuwulela Mfumoni ka Txizimu ni diso dimwedo, kupinda kuyiswa Gehena u di ni maso ako a mambidi;

Matewu 19:17

Jesu a to mu wotisa a txi khene: “U wotisela txani ngu mhaka ya tiya i ku ta tinene kani? Wamnene i mmweyo basi. Aniko, u txi lava kuwulela wutomini ko mbi guma, veketa milayo.”

Matewu 16:26

Kha ditshuri, ti siza txani m'thu kumana dotshe ditiko, na ngu msana a txi mwalalelwa ngu wutomi wakwe kani? Mwendo nji txani m'thu a no sikota kutekisa ngu txona wutomi wakwe?