Matewu 18:4 - Bhiblia Yo Sawuleka

⁴ Ngu konaho, awu a no ti veka hahatshi a txi fanana ni mwanana wuwa wam'dotho, ngene a no va i di wa hombe Mfumoni ka nzumani.

Matewu 18:4 Referans Kwoze

Jakobe 4:10

Ti vekeni hahatshi masoni ka Mkoma, se ene a na mi guleta.

Luka 14:11

Nguko wuhi ni wuhi a ti kulisako, a na vekwa hahatshi, ani wu a ti vekako hahatshi, a na guletwa.”

Marku 10:43

Kambe kha ti laveki eto hagari kwanu. Awule a lavako kumaha wa hombe hagari kwanu, a na ti mahe txithumi txanu,

Luka 9:48

“Wuhi ni wuhi a amukelako tximwananana txiya ngu ditina dangu, wa ni amukela; se awu a ni amukelako, a amukela wu a nga ni ruma. Nguko awu i ku wam'dotho hagari kwanu motshenu, ngene i ku wa hombe.”

1 Pedro 5:5

Nananu, vavaphya, ti vekeni hahatshi ka madhota. Ambalani moya wa kutiveka hahatshi, mmwani masoni ka mmwani; nguko, Txizimu txi nyenyana ni va va kutikulisa, kambe txi ninga makatekwa a txona ka vale va kutiveka hahatshi.

Matewu 18:1

Ka yoneyo mbimo, vagondiswa va tile ka Jesu va txi ta kha vona kwakwe: “I mani i ku wa hombe Mfumoni ka nzumani kani?”

Isaya 57:15

Nguko a womba tona eto Nyatxitimwi, wa Kuthaviseka, a zumbako kupindukani, eyo ditina dakwe i ku Kusawuleka: Ni zumba ka wukhalo wo guleka ni kusawuleka, kumweko ni kuxaniseka, ni kukarateka moyani, kasi kuwusa moya wa vale vo karateka, ni kuwusa timbilu ta vaxaniseki.

Matewu 18:3

a txi khene: “Kha ditshuri ni khani kwanu: Ngako mi si tshumeli mi txi fanana ni vanana vavadotho, kha mi na mbi sikota kuwulela Mfumoni ka nzumani.

Matewu 18:5

Sekoko, awu a no amukela ngu ditina dangu, mwanana wammweyo wa ku nga wuwa, ngani a ni amukelako.”

Marku 9:34

Vona va to malala, nguko mhaka yi va nga txi kanetisana ngu yona i ti yo lava kuziva tito, hagari kwawe, wa hombe ngu mani.