Matewu 18:35 - Bhiblia Yo Sawuleka

³⁵ Tate wanu wa nzumani nene ngu tona tiya a no mi mahisa tona, ngako mi si divaleli ngu timbilu tanu m'thu ni m'thu ka muakelani wakwe, minandu yakwe.”

Matewu 18:35 Referans Kwoze

Jakobe 2:13

Nguko kulamulwa kha ku na mbi va ni wumbilu, ka wule a ku si nga ni wumbilu; aniko wumbilu wa humelela kulamulani.

Marku 11:25

Kungako mi txi ema mi khongela, divalelani wu mi ku ni mhaka nayo, ti to nene Tate wanu wu a ku nzumani, e mi divalela kuonha kwanu.

Matewu 6:12

Hi divalele sionho sathu ngako nathu hi va divalelako ava va hi onhelako.

Mavingu 21:2

Yotshe nzila yi lulamile masoni ka m'thu, aniko Mkoma a wona timbiluni.

Mavingu 21:13

Awule a tsivako nzeve yakwe ka huwa ya txisiwana, nene a na dila kambe kha na mbi engiswa.

Luka 16:15

Ene a ti khene kwawe: “I di anu, mi ti maha valulami masoni ka vathu, kambe Txizimu txa tiziva timbilu tanu; nguko atxi txi nga guleka masoni ka vathu, i manyala masoni ka Txizimu.”

Mtuletelo 2:23

Ni na daya vanana vakwe, kasiku otshe Mabanza me tiziva ti to ngani ni zivako makungo a titsho ni a mbilu, ni ti to mmweyo ni mmweyo wanu ni na mu tshumetela madingano ni mithumo yakwe.

Jakobe 3:14

Aniko, ngako mi di ni wukhuxu wo bava ni moya wo ti randa mipune timbiluni kwanu, mi nga ti kuliseni, kambe mi nga wombeni makuhu o kaneta ditshuri,

Jakobe 4:8

Tshuketani hafuhi ka Txizimu, kasi ni txona txi na tshuketela hafuhi kwanu. Basisani manza anu, vaonhi, mi txi basisa timbilu tanu, anu vathu va timbilu timbidi.

Zakariya 7:12

Ina, va bangisile timbilu tawe ti fana ni marigwi a dhayimani, kasi ku va si engisi mlayo, ni mapswi awa Mkoma wa Mabutho a Tiyimbi a nga ti ma rumete ngu Moya wakwe, a txi thuma nga vaprofeti vo khata, ngumo ku nga ta ngu kona kuhenya ka hombe ka Mkoma wa Mabutho a Tiyimbi.

Jeremiya 3:10

Hambi keto, Judha, ndiyakwe wo mbi thembeka, kha wuya ngu mbilu yakwe yotshe, aniko ngu wuviyaku, kuwomba Mkoma.”

Matewu 18:34

Se nyamne a to txi henyela, e txi ningela ka vakhawutisi, kala kuza txi diha wotshe mnandu wa txona.

Marku 11:26

[Aniko, ngako mi si divaleli vamwani, nene Tate wanu wu a ku nzumani, kha na mbi divalela sionho sanu.”]