Matewu 18:28 - Bhiblia Yo Sawuleka

²⁸ Aniko txithumi txiya, ngako txi di mani wammweyo wa txithumi kulowe, awuwa a nga ti ni mnandu ka txona wa dizana da madhenari, txi to mkama makolo, txi txi kha txona: Ni dihe male yangu!

Matewu 18:28 Referans Kwoze

Matewu 20:2

Se a di tumelelani ni sithumi ngu muholo wa didhenari dimwedo ngu ditshiku, a to va rumela thembweni kwakwe.

Ezekhiyele 45:9

Mkoma Txizimu a khene: Ti dinganile, anu vathangeli va ka Israyeli; yisani kule timboyinga ni kulovisa, lamulani ngu wululamo, kambe thavisani mikhinyavezo yanu ka vathu vangu, kuwomba Mkoma Txizimu.

Dhewuteronome 15:2

Mamahelo a kona ngu awa: Mmwani ni mmwani a nga txenekisa tximaha txokari ka mkwawe, a na m'divalela; kha na mbi m'vila mwakelani wakwe, hambi mwanawe, nguko kuhuweletwe mthetho wa kudivalela, ngu ditina da Mkoma.

Isaya 58:3

Va txi kha vona: Se hi titonela txani sakudya, na u si hi woni kani? Hi txanisela txani muhefemulo wathu, na awe u si ti zivi kani? Wonani taku, ditshiku di mi ti tonako sakudya, mo mana ku ti tsakisa mipune, kambe mi lwela wotshe mthumo wanu.

Nehemiya 10:31

ni tito, ngako vamatiko va txi tisa ni tihi tithomba, mwendo titshenda to kari kasi ku ta xavisa ngu ditshiku da Sabbata, mwendo ngu ditshiku do sawuleka, kha hi na mbi va xavela ka ditshiku edo. Se hi nava ni txhatxhazelo ka dilembe da wutxhanu ni mambidi, ni kudivalelana yotshe minandu.

Nehemiya 5:7

Se ni to alakanya mbiluni kwangu; ngu msana, ni to lwa ni sikhumukani ni valamuli, ni va gela tiya: Mmwani ni mmwani a nga bhindule ngu ka mwanawe. Aniko ni to va rambela msengeletano wa hombe.

Mavingu 28:3

Txisiwana txile txi tsindavetako sisiwana, txi fanana ni mati a ndambi, ma si siyiko fulaho ni ya yimweyo.

Matewu 18:27

Sekoko nyamne a to txi pfela wusiwana, e txi leka txi tsula, a di txi divalete mnandu.

Matewu 18:29

Sekoko wule wa txithumi kulowe a to mu khizamela minengeni kwakwe a txi mkombela a txi khene: Timisela ngu ngani, ni na kudihela sotshelele.

Marku 6:37

Jesu a to va xamula a txi khene: “Va heni anu sakudya.” Vona va ti kha vona kwakwe: “Ina hi nga tsula hi txi ya xava mapawu a mazana mambidi a madhenari, hi ta va ninga va txi dya kani?”

Marku 14:5

Nguko ma ndi na xaviswa ngu male yo pinda mazana mararu a madhenari, kasi maleyo yi txi avelwa ka sisiwana.” Se va txi mu kawuka.

Luka 7:41

Jesu a ti khene: “Mtxenekisi wa male a ti ti ni vathu vambidi, va nga ti ni sikweneti kwakwe: Mmweyo a ti ti ni txikweneti txa 500 wa madhenari, se mmwani a ti ni txikweneti txa mtxhanu wa magumi.

Luka 10:35

Se mangwanani ka kona, a humisile matxheleni mambidi, a txi ninga nyamne wa nyumba ya vapfhumba, a txi khene kwakwe: ‘Mu xayise, nata kudihela kambe sotshe, mbimo yi ni no wuya.’

Johani 6:7

Filipi a to angula a txi khene: “Mapawu a 200 wa madhenari kha ma na mbi va dingana, taku mmweyo ni mmweyo e amukela txikhwemu.”