Matewu 18:25 - Bhiblia Yo Sawuleka

²⁵ Se ngako a di pwati so dihela ngu sona, nyamne wakwe a to rumela ku e xaviswa ene ni msikati wakwe ni vanana vakwe ni sotshe si a nga ti naso, kufela ku na dihela mnandu wule.

Matewu 18:25 Referans Kwoze

Nehemiya 5:5

Konkuwa koko, nyama yathu yi fana ni nyama ya vanathu, ni vanana vathu va fana ni vanana vawe; se wonani ti to hi tekile vanana vathu va mazambi ni vanana vathu vamahorana hi va maha tikhumbi, hambi vamwani va vanana vathu vamahorana va tekilwe ve yiswa wukhumbini, kha ku na txi hi nga txi mahako, nguko tithembwe tathu ni mivhinya yathu si manzani ka vamwani.

2 Vafumeli 4:1

Se mmweyo hagari ka vasikati va vanana va vaprofeti, a to peka huwa ka Elixa a txi khene: Mwamna wangu, i ku txithumi txako, a fite. Kambe awe wa tiziva ti to txithumi txako, txi ti ti ni txithavo ka Mkoma, se awule a ngadi ni mnandu kwakwe a ti ta teka vanana vangu vavambidi, kuya va maha tikhumbi takwe.

Luka 7:42

Ngako va nga ti si nga ni so diha ngu sona, a to va divalela sikweneti sawe votshe vavambidi. Se ngu wuhi ka va vavambidi, a no va ni lirando ngutu kwakwe kani?”

Levhi 25:39

Ngako m'thu wa ka kwanu a txi wa amu ka wukulungu, a txi ta kwako, e ta ti xavisa, u nga mthumise mthumo wa wukhumbi.

Nehemiya 5:8

Se ni txi khani: Athu hi hulukisile Vajudha, madingano ni mtamo wathu, i ku vanathu, avale va nga xaviswa ka vamatiko, se anu kambe mi lava kuxavisa vananu, kasi kuveta xaviswa kwathu kani? Sekoko va to malala, va txi kayee.

Isaya 50:1

Mkoma a womba tiya: Di hani dipapilo da kulekwa ka mame wanu, adi ni nga mtovela ngu dona kani? Mwendo i mani mxavi wangu, awu ni nga mi xavisa kwakwe kani? Wonani taku mi xavisilwe ngu mhaka ya wubihi wanu, ni mame wanu a tovetwe, ngu mhaka ya kuwekela kwanu.

Eksodha 21:2

“Ngako u txi xava khumbi ya Muhebheru, yi na kuthumele mtxhanu wa malembe ni dimwedo; aniko dilembe da wutxhanu ni mambidi, yi na huma ngu kutxhatxheka, yi si diheli txilo.”

Eksodha 22:3

Ngako di ti humile ditambo di txi muwoninga, a na mana mnandu wa kutheketa mnoha. Dikhamba di na dihela sotshe sile di nga pa; se ngako di si nga ni so diha ngu sona, di na xaviswa ngu mhaka ya wukhokhokho.

Matewu 18:24

Ngako a di khatile ku va setxha, a to nehwa kwakwe mmweyo a nga ti ni mnandu nayo wa 10.000 wa titalenta.”