Matewu 18:24 - Bhiblia Yo Sawuleka

²⁴ Ngako a di khatile ku va setxha, a to nehwa kwakwe mmweyo a nga ti ni mnandu nayo wa 10.000 wa titalenta.”

Matewu 18:24 Referans Kwoze

Masalmo 38:4

Sionho sangu si tshutshutile si ni khubhunyetile ni msungo; sa ni kama kufana ni mrwalo wo nemela ngutu.

Luka 16:5

Se ngako a di dhanile votshe va va nga ti txenekile ka mkoma wakwe, a to womba ka wo khata a txi khene: ‘Mtengo muni u nga txeneka ka nyamne wangu kani?’

Luka 13:4

Hambi vale va digumi ni mtxhanu ni vararu, va nga welelwa ngu txitezi txa Silowame, txi txi va daya, ina mi khanu i ti vaonhi va hombe ngutu kupinda votshe va va nga aka Jerusalema kani?

Masalmo 40:12

Ni randetwe ngu makhombo o tala ngutu; sionho sangu si ni khubhunyetile ni kuwona kha ni woni! Sionho sangu sitate kupinda misisi ya msungo wangu; ngu toneto, mbilu yangu ya rereka.

Ezra 9:6

Se ni ti khani: Awe Txizimu txangu! Ni kanganyisekile, ni ni tingana, kuva ni guleta khohe yangu kwako awe Txizimu txangu: Nguko wubihi wathu, wu andile ngutu amu ka misungo yathu, ni txionho txathu txi gulekile kala nzumani.

Luka 16:7

Sekoko a nje khene ka mmwani: ‘Awe-ko, mtengo muni u nga txeneka kani?’ Ene a xamute a txi khene: ‘dizana da mipimo ya fulaho.’ Mxayisi a to khene kwakwe: ‘Teka diphepha dako u bhala ku i mtxhanu wa magumi ni mararu.’

1 Makronika 29:7

va to ningela ka mthumo wa Nyumba ya Txizimu 5.000 wa titalenta ta nzalama, ni 10.000 wa madrakima, ni 10.000 wa titalenta ta silivhela, ni 18.000 wa titalenta ta koporo, ni 100.000 wa titalenta ta simbi.

Matewu 18:23

“Ngu toneto, Mfumo wa nzumani wu fana ni mfumeli wu a nga lava kusetxha sithumi sakwe.

Matewu 18:25

Se ngako a di pwati so dihela ngu sona, nyamne wakwe a to rumela ku e xaviswa ene ni msikati wakwe ni vanana vakwe ni sotshe si a nga ti naso, kufela ku na dihela mnandu wule.

Matewu 25:15

Ka wammweyo a mningile mtxhanu wa titalenta, ka mmwani a mningile titalenta timbidi, ka mmwanyani kambe e mninga yimweyo, madingano ni mtamo wa mmwani ni mmwani.

Matewu 25:16

Awule a nga amukela mtxhanu wa titalenta, a to bhindula ngu tona, e mana timwani ta mtxhanu.

Matewu 25:20

Sekoko wule a nga ti emukete mtxhanu wa titalenta, a to womba a txi khene: ‘Nyamne wangu, u ni ningile mtxhanu wa titalenta, se ndite timwani ta mtxhanu ni nga bhindula’.

Matewu 25:22

Ngu kulondeta, awule a nga ti amukete titalenta timbidi a ti khene: ‘Nyamne wangu, u ni ningile titalenta timbidi, se ndite timwani ta timbidi ni nga bhindula.’

Matewu 25:24

Ngu kugwitisa, awule a nga ti amukete talenta ya yimweyo, a ti khene: ‘Nyamne wangu, na kuziva ngu kale ti to awe u m'thu wo karata, ngu ku u dhunda kuelula amuwa u nga mbi phaya, ni kusengeleta ahawa u nga mbi xwaya.

Genesisi 44:10

Ene a to engeta, a txi khene: “Ti na maheke nga kuwomba kwako: Awule txi no manwa kwakwe tximahetxo, a na va i di khumbi yangu, ani avale vamwanyani va na va va di txhatxhekile.”