Matewu 18:20 - Bhiblia Yo Sawuleka

²⁰ Ina, nguko ahawa va nga tshangana vambidi mwendo vararu, ngu ditina dangu, ani ni ho hagari kwawe.”

Matewu 18:20 Referans Kwoze

1 Vakorinto 5:4

Ngu ditina da Mkoma wathu Jesu, na anu mi di tshanganile ni moya wangu, ngu mtamo wa Mkoma wathu Jesu,

Mtuletelo 21:3

Se ni engisile kambe dimwani dipswi da hombe di nga pfala di txi khukhela ka txikhalo txa wukoma, di txi kha dona: “Ndide ditenda da Txizimu di ku hagari ka vathu! Txona txi na aka hagari kwawe, vona va na va i di vathu va txona; se txona Txizimu txipune txi na va txi di navo, txi maha Txizimu txawe.

Matewu 28:20

mi txi va gondisa kuvekisa totshe tiya ni nga mi leleta tona. Se wonani, ni ni nanu yotshe mbimo, kala kugumani ka mafu.”

Zakariya 2:5

Se ani, kuwomba Mkoma kwakwe, ni na va diguma da mndilo do mranganyeta, se ani nipune ni na va wudhumo hagari kwakwe.

Johani 20:26

Ku di pindile mtxhanu wa masiku ni mararu, va to tshangana kambe vagondiswa nyumbani, se Tomasi a ti ti ho nene. Ku di sekilwe matimba, a to ta Jesu, a ta ema hagari kwawe, na a txi va losa kambe ngu mapswi awa: “Kudikha ku nave ni nanu!”

Johani 20:19

Minovani ka ditshiku dile, i ku ditshiku do khata ka divhiki, vagondiswa va ti maneka va di tshanganile ka wukhalo wokari, va txi ti sekela matimba, ngu kuthava Vajudha. Se Jesu e wulela, a txi ema hagari kwawe, a txi va losa ngu mapswi awa: “Kudikha ku nave ni nanu!”

Mtuletelo 2:1

Ka ngelozi ya Dibanza da Efesu, bhala u txi khawa: A womba tiya awule a nga ñola mtxhanu wa tinyeleti ni timbidi ka dianza dakwe da txinene, awule a tsimbilako hagari ka sipande sa mtxhanu ni simbidi sa nzalama.

Eksodha 20:24

U na ni akela txiluvelo ngu mafu, txitimwi ka txona u na maha miphaxo yako yo hiswa ni ya kudhumisa, ni timhamba ta tinvuta tako ni ta tihomu tako. Kotshe amu ditina dangu di no alakanywa kona, ni nata kwako ni ta kukatekisa.

Genesisi 49:10

Ndonga kha yi na mbi khukha ka Judha, hambi mlayeli mikondoni kwakwe, kala kuza ku txi ta Silo; awule vathu va no sengeletana kwakwe.

Filimoni 1:2

ni ndiyathu Afiya, ni ndena kulothu Arkipo, ni ka Dibanza di di sengeletanako nyumbani kwako.

1 Vatesalonika 1:1

Paulo, ni Silivhano, ni Timoti, ka Dibanza da Vatesalonika, ava va lumbako Txizimu Tate, ni Mkoma Jesu Kristu. Kateko ni kudikha si nave ni nanu!

Johani 8:58

Jesu a to khene kwawe: “Ngu ditshuri, ngu ditshuri, na mi gela ku khani: Na Abrahamu a sinzi ku va ho, ‘Ani ngani Wuwa.’ ”

Matewu 18:21

Sekoko konako, Pedro a di tshuketile hafuhi, a to khene kwakwe: “Mkoma kumaha tiya mwanathu e ni onhela, nzi khati singahi ni fanelako ku mu divalela kani? Mwendo mtxhanu ni kumbidi, kani?”

Ezekhiyele 46:10

Se mthangeli a na wulela ni vathu mbimo yile va wulelako, e huma kumweko navo mbimo yile va humako.