Matewu 18:17 - Bhiblia Yo Sawuleka

¹⁷ Se ngako a txi lamba kambe ku va engisa, tsula u txi ya bika mhaka banzani. Sekoko, ngako a txi lamba ku di engisa ni dona dibanza, kwako a nave i di wa matiko mwendo mkhupisi.”

Matewu 18:17 Referans Kwoze

2 Vatesalonika 3:6

Ha mi leleta, vanathu, ngu ditina da Mkoma Jesu Kristu, ti to mi txi hambana ni mwanathu wuhi ni wuhi asi londiseliko nzila ya mlayo, a hambanako ni tigondo ti hi nga mi ninga tona.

1 Vakorinto 5:9

Ni mi gete ngu dipapilo ti to mi nga pataneni ni vathu vo xanga.

Ezekhiyele 11:12

Se mi na tiziva taku ngani Mkoma, nguko kha ma tsimbila ngu sileleto sangu, kambe kha ma londeta kulamula kwangu; mi to londeta malamulelo a matiko ale ma nga mi randela.

Ezra 6:21

Ngu kumaha keto, vanana va ka Israyeli vale va nga ti wile ngu wukhumbini, va dyite Pasika, ni votshe vale va nga ti ti dhawukanisa ni wubihi wa vathu va mafu, va txi xota Mkoma, Txizimu txa ka Israyeli.

1 Timoti 6:5

kubhongelana ko mbi guma hagari ka vathu va mapimo o hambaneka, ava va ku si nga ni ditshuri, nguko va pimisa ti to wukhongeli njisima txa dibhindu.

Luka 15:1

Votshe vakhupisi ni vaonhi va ti tshuketela hafuhi ka Jesu, kasi ku ta mu engisa.

Matewu 11:19

A tile Mwanana wa M'thu, wa dya, wa sela, se va kha vona: ‘Wonani nyalimitoyo ni didevi, mngana wa vakhupisi ni vaonhi.’ Aniko wuzivi wa Txizimu wu kombisile kululama ka wona ngu mithumo ya wona.”

Luka 18:11

Mfarisi a di emile, a txi khongelisa tiya khanani kwakwe: ‘Txizimu, na ku bonga, nguko kha ni fanani ni vamwani vathu, i ku makhamba, sidambu, ni vamahi va wugango; kambe hambi mkhupisi wuwa kha ni fanani nayo.

Matewu 5:46

Nguko, ngako mi txi randa ava va mi randako dwe, ditshungulo muni mi na ku di mana kani? Hi nga toneto va ti mahako ni vona vakhupisi kani?

Matewu 6:7

“Ngako mi txi khongela, mi nga tateni mapswi nga vamatiko, nguko va alakanya ti to va na engiswa ngu kuwombawomba ngutu.

Matewu 10:3

Filipi ni Bhartolomewu; Tomasi ni Matewu, i nga ti mkhupisi; Jakobe, mwanana wa Alfewu, ni Tadhewu;

1 Vakorinto 6:1

Ngako mmweyo wanu a di ni kuphikizana ni mkwawe, mi tsanisa kutxani ku mu yisa a txi ya lamulwa ngu vamatiko, mi si mu yisi ka vasawuleki, kani?

Joxuwa 22:15

Va di hokile ka vanana va ka Rubheni, ka vanana va ka Gadhi ni ka hafu ya lihunzu la ka Manasi, va to ya kha vona: