Matewu 18:16 - Bhiblia Yo Sawuleka

¹⁶ Aniko ngako asi kuengisi, teka mmwani m'thu, mwendo vambidi u txi tsula navo, kasiku yotshe mhaka yi txi lamulwa ngu wufakazi wa vathu vambidi mwendo vararu.

Matewu 18:16 Referans Kwoze

Dhewuteronome 19:15

“Fakazi yimweyo yokha kha yi dingani ka mhaka ya m'thu, ni ka yihi mhaka yo biha mwendo txionho txokari, txi nga mahwa. Mhaka yi na tsaniswa ngu wufakazi wa vathu vambidi mwendo vararu.

2 Vakorinto 13:1

Adiya nda wuraru ni txi ta kheyo kwanu. Yotshe mhaka yi nata tsaniswa ngu wufakazi wa vathu vambidi mwendo vararu.

1 Timoti 5:19

U nga amukele mhaka ya kumangalela mthangeli, hahanze ka wufakazi wa vathu vambidi mwendo vararu.

Johani 8:17

Nikona Mlayoni kwanu, kubhatwe ti to wufakazi wa vathu vambidi mbwa wunene.

Vahebheru 10:28

Awu a ndakako Mlayo wa Mosi a abaniselwa lifo, ku si nga ni divalelo, ti txi khukhela ka wufakazi wa vathu vambidi mwendo vararu.

Dhewuteronome 17:6

Ene a na dawa ngu mhaka ya tifakazi timbidi mwendo tiraru; ni wammweyo m'thu kha na kudawa ngu mhaka ya wufakazi wa m'thu wammweyo dwe.

Mitengo 35:30

Ni wihi wu a no daya m'thu, madingano ni kuwomba ka tifakazi, va na daya m'dayi; aniko fakazi yimweyo dwe kha yi na kufakaza eza e dawa m'thu,

1 Vafumeli 21:13

Sekoko kutota vavamna vambidi, i ku vanana va Bheliyali, va txi ta ema masoni kwakwe; se vavamna vale, vananevo va Bheliyali, va to wukela Nabhote, masoni ka vathu va txi kha vona: Nabhote a ruketete Txizimu, ni mfumeli. Se va to tsula nayo hahanze ka didhoropa va txi ya m'balisela ngu marigwi, a txi fa.

Mtuletelo 11:3

Aniko ni na ninga mtamo ka tifakazi tangu ta timbidi kasiku ti txi profeta, ti di ambate masaka, mndani ka 1.260 wa masiku.”