Matewu 18:12 - Bhiblia Yo Sawuleka

¹² Se mi khanu txani kani? Ngako m'thu a di ni 100 da tinvuta, se yimweyo ya tona yi txi mwalala, ina kha siyi ti ta mtxhanu ni mune wa magumi, ni mtxhanu wa tinvuta ni mune, mimangoni, e tsimbila e lava yi yi nga mwalala kani?”

Matewu 18:12 Referans Kwoze

Ezekhiyele 34:12

Ku nga m'dyisi a lavako mtxhambi wakwe, ka ditshiku dile a ku hagari ka tinvuta takwe tile ti nga hangalaka, ni na mahisa tona eto kulava tinvuta tangu; kambe ni na ti wuyisa ngu ka otshe makhalo ale ti nga hangalaka ka ona, ka ditshiku da marefu ni da txidema.

Ezekhiyele 34:16

Ni na tsimbila ni lava yile yo mwalala, kambe ni na wuyisa yile yo penga, ni txi tsanisa yile yo khudukiswa, ni kuthuma yile yo lwala; aniko ayile yo ena ni yile ya mtamo ni na ti khundumusa; tona ni na ti dyisa ngu wululamo.

Ezekhiyele 34:28

Kha ti na mbi ngadi ti ñolwa kambe ngu vamatiko, ni sihari sa tshofu sa mafu kha si na mbi ngadi si txi ti dya kambe; ti na zumba ti di tsani, kambe kha ku na mbi va ni wo ti dhukisa.

Ezekhiyele 34:6

Tinvuta tangu ti pengete ka yotshe mimango ni ka simangwana; ina, tinvuta tangu ti hangalakile, kotshe ha mafuni, ku si maneki wa ku ti wuyisa hambi kutsimbila e ti lava.

Isaya 53:6

Athu hotshethu hi ti ti hangalakile kufana ni tinvuta; mmweyo ni mmweyo a ti ti tsimbila ngu nzila yakwe, aniko Mkoma a mrwekile wubihi wathu hotshethu.

1 Pedro 2:25

Nguko, mi ti ti fana ni tinvuta ta kuhangalaka, aniko akuwa mi tshumete mi wuya ka M'dyisi ni Muwoneleti wa mimoya yanu.

Matewu 12:11

Ene a ti khene kwawe: “I mani hagari kwanu, awu a ku a di ni nvuta, yi txi wela diphalani ngu ditshiku da Sabbata, asi yi ñoliko a txi yi humisa kani?

Jeremiya 50:6

Vathu vangu ndinvuta to mwalala, vadyisi va tona ngu vona va nga ti mwalata, va ti lekile ti txi pengela kuya mimangoni, ti si alakanyi kutshumelela dizumboni ka tona.

Masalmo 119:176

Ni pepesekile kufana ni nvuta yo mwalala; tsimbita txithumi txiya txako, nguko ani kha na divala sirumo sako.

Matewu 21:28

“Mi yi wonisa kutxani mhaka yiya kani? M'thu wokari a ti ni vanana vambidi. A txi gela mkoma wa kona, a txi khene: ‘Mwanangu, tsula nyamsi u ya thuma thembweni ka mivhinya’.

1 Vakorinto 10:15

Ni womba-womba ni nanu kota nga ti mi ku vathu va mapimo. Ti pimiseni mipune ati ni mi gelako.

Matewu 22:42

a txi khene: “Mi pimisa txani anu ngu Mesiya, kani? Mwanana wa mani kani?” Vona va to angula va txi kha vona: “I Mwana Dhavhidha.”

1 Vafumeli 21:17

Sekoko Mkoma Txizimu a to khene ka Elija, mprofeti wa Tisibhe:

Ezekhiyele 34:4

Kha ma tsanisa yile yo pwata mtamo, kha ma thuma yile yo lwala, kha ma lunganyetela yile yo khudukiswa, ayile yo penga kha ma yi wuyisa, kambe kha ma tsimbila mi lava yile yo mwalala; aniko mo ti khozisa ngu kunemetisa ni kukarata.

Matewu 18:13

“Kungako a txi yi mana, kha ditshuri ni khani kwanu, wa tsaka ngutu ngu yona, kupinda tile ta mtxhanu wa magumi ni mune, ni mtxhanu wa tinvuta ni mune, ti nga ti sa mwalala.