Matewu 18:10 - Bhiblia Yo Sawuleka

¹⁰ “Ti woneleni ti to mi si kanyisi ni wammweyo ka va vavadotho, nguko ni khani kwanu: Tingelozi tawe, ani nzumani, ti maneka yotshe mbimo masoni ka Tate wangu a ku nzumani.

Matewu 18:10 Referans Kwoze

Masalmo 91:11

Nguko Mkoma a na rumela tingelozi takwe kwako, kasi ku ta ku wonelela ka totshe tinzila tako.

Vahebheru 1:14

Ina tingelozi totshe hi nga mimoya yi yi thumako mithumo, ayi yi nga rumelwa kuthumela avale va fanelako kuamukela thomba ya kuhanyiswa, kani?

Masalmo 34:7

Ngelozi ya Mkoma ya vhikela avale va mthavako yi va hulusa ka tiphango.

Luka 16:22

Se ti mahekile ti to txisiwana txile txi fa, txi tekwa ngu tingelozi, txi yiswa ha khanani ka Abrahamu. A to fa nene nyatithombe, se a txi kelelwa.”

Matewu 24:31

Ene a na rumela tingelozi takwe ngu kuvetwa ka mpundu wa hombe, kasi kuramba vasawuleki vakwe ngu ka otshe maphambo a mune, kukhukhela magemeta-mitshi ka nzuma kala kumwani magemeta-mitshi ka yona nzuma.”

Luka 1:19

Ngelozi yi xamute yi txi kha yona: “Ani ngani Gabriyele, wule a emako masoni ka Txizimu, ni rumetwe ku ta womba-womba ni nawe ni ku ta ku xawutela mahungu awa amanene.

Matewu 18:14

Ngu toneto, Tate wanu wa nzumani kha ti lavi ti to ni mmweyo wa va vavadotho e mwalala.”

Matewu 18:6

“Aniko awu a no khuvekisa mmweyo ka vava vavadotho va tumelako kwangu, ti nga va i di txhuko ti to txiwindi txa kukhurula txi sungelelwa thamoni kwakwe, a txi rinzwa txizivani ka linene.

Matewu 2:19

Mbimo yi Herodha a nga fa, Ngelozi ya Mkoma yi to woneka ngu miloro ka Josefa, kona ditikoni ka Egipta, yi txi mu gela tiya:

Matewu 2:13

Msana ka kuva ti di khukhile titxhari, Ngelozi ya Mkoma yi to woneka ngu miloro ka Josefa, yi txi mu gela tiya: “Khukha, teka mwanana ni mame wakwe, thava u txi ya Egipta. Inda ya zumba konakheyo kala nita kuzivisa, nguko Herodha a na lava mwanana wu kasiku e m'daya.”

Matewu 1:20

Na a di pimisile toneto, ha wukoheni a to lora a txi wona Ngelozi ya Mkoma yi nga mu gela tiya: “Josefa, mwanana wa Dhavhidha, u nga thave kutekana ni Mariya, kasi kuva msikati wako, nguko txirumbu txi a ku natxo, txi ta ngu ka Moya wo Sawuleka;

1 Vatesalonika 4:8

Ngu toneto, awu a nyenyako gondo yiya, kha nyenyi m'thu, aniko a nyenya Txizimu, txona txi ka ditshuri, txi mi ningako Moya wa txona wo Sawuleka.

1 Vakorinto 11:22

Ina kha mi nga ni tinyumba to dyela ka tona ni kuselela kona, kani? Mwendo mo eyisa Dibanza da Txizimu, mi txi lava kuthela tingana avale va ku si nga naso, kani? Ni na mi gela ta txani? Ina ni na mi dhumisa, kani? Lambi! Keto kha ni na ku mi dhumisa!

1 Vakorinto 16:11

Ngu toneto, ku nga ve ni m'thu wa ku mkanyisa. Mu lulamiseleni dipfhumba dakwe ngu kuthutha kasi kueta kheno kwangu, nguko ani ni m'verete kumweko ni vanathu.

Varoma 14:10

Ngu kutxani u lamulako mkwanu kani? Ani awe, u tseketselela txani mkwanu kani? Kuve hotshethu hi na ya ema masoni ka txikhalo txa kulamula txa Txizimu.

Mithumo 27:23

Nguko ka wona wusiku wuwa, Ngelozi ya Txizimu, atxi ani ni lumbako txona, atxi ni txi thumelako, yi ti wonekisile kwangu, wusiku wuwa,

Mithumo 12:23

Kambe kunukunuko, Ngelozi ya Mkoma yi to peka Herodha, nguko kha dhumisa Txizimu. Se a to dyiwa ngu timbungu, efa.

Mithumo 12:15

Aniko vona va ti kha vona kwakwe: “Awe u ni mawudi, mwananawe!” Kambe ene a to tsanisa a txi nditshuri. Se va txi mu gela ku kha vona: “I ngelozi yakwe!”

Mithumo 10:3

Ka ditshiku dokari a to wona txiwoniso ngu txikhati txo lava kuva txa wutxhanu ni mune; a to wona ta tinene Ngelozi ya Txizimu, yi txi mu tela, yi ta mu gela, yi txi kha yona: “Korneliyo!”

Mithumo 5:19

Kambe Ngelozi ya Mkoma yi to tula matimba mkorani ni wusiku, yi va humisa hahanze, yi txi kha yona:

Masalmo 17:15

Se ani, kulamulani kwangu, ni na wona khohe yako; ngako ni txi wuka ni na tsaka ngu txithuzi txako.

Masalmo 15:4

awule a solako ava vo biha, aniko a txi dhunda avale va thavako Mkoma; awule a mahako ti a nga thembisa, hambi ene a txi luzekelwa;

1 Vafumeli 22:19

Sekoko Mikaya a to khene: Engisa koko dipswi da Mkoma: Ni woni Mkoma a di khahatshile ka txikhalo txakwe txa wukoma, kambe dotshe dibutho da nzumani, di ti hafuhi ni nene, ngu didhawa kwakwe ka txinene, ni didhawa kwakwe ka txibhabha.

1 Timoti 4:12

Ku nga ve ni m'thu wo dhelela wuzambi wako, aniko, kuhambana nito, kulaveka u va txikombiso masoni ka makholwa, amu ka kutxhumayela dipswi, amu ka mahanyelo, amu ka lirando, amu ka likholo, amu ka kubasa mbilu.

1 Vakorinto 9:22

Hagari ka vale va dikhodho mu ka likholo, ni ti mahile wa dikhodho nani kufela ku ni txi va mana. Ni ti mahile sotshe ka votshe kufela ku ni txi mana kuhanyisa vamwani ngu totshelele tinzila.

Varoma 15:1

Athu hi ku ni mtamo, hi fanete kurwala kutandeka ka va va ku si nga ni mtamo, hi si lavi asi si tsakisako wutumbu wathu dwe.

Varoma 14:21

Ti tshurile ngako u si dyi nyama, u si seli vhinya, u si mahi txilo txihi ni txihi txi khuvekisako mkwanu.

Mtuletelo 8:2

Konako ni to wona tingelozi ta mtxhanu ni timbidi ti nga ema masoni ka Txizimu, ti txi ningwa mtxhanu wa mipundu ni yimbidi.

Vagalatiya 6:1

Vanathu, ngako m'thu a txi maneka a di mahile ta walo, anu mi ku vavanene, m'ziviseni kha kwati, na m'thu ni m'thu a txi ti wonela, kufela kunene asi wi mu kudukwani.

2 Vakorinto 10:10

Nguko va kha vona, mapapilo akwe ma nemela, ma ni mtamo, aniko a diho ene ngu wutumbu hagari kwathu, kha nga ni mtamo, ni mapswi akwe kha ma vhuni txilo.

2 Vakorinto 10:1

Ani, Paulo ngu wutumbu wangu, na mi khongotela ngu kudikha, ni wunene wa Kristu, ani ni ti vekako hahatshi masoni kwanu, kambe ni mahako wurena ni di kule ni nanu.

Luka 10:16

Awu a mi engisako a engisa ani; awu a mi nyenyako, a nyenya ani; se awu a nyenyako ani, a nyenya wu a nga ni ruma.”

Matewu 12:20

Litshava li li nga thidyaka, kha na mbi li funya. Kha na mbi tima ngoti ya dilambu, ayi yi tuvikako, kala e ninga mtamo wa kuxula ka wululami.

Zakariya 13:7

Awe ditxhari khukha u lwa ni m'dyisi, lwana ni wamwamna wule i ku mngana wangu, kuwomba Mkoma wa Mabutho a Tiyimbi; peka m'dyisi, se ti na hangalaka tinvuta; aniko ni na nawuluta dianza dangu, ni peka vale vavadotho.

Zakariya 4:10

Nguko i mani a eyisako ditshiku da timhaka ta tidotho kani? Ina, nguko eyo a na tsaka mbimo yi a no wona ngoti ya lipimo manzani ka Zorobhabheli. Ngu ona maso a mtxhanu ni mambidi a Mkoma, ma wonetelako kotshe ha mafuni.

Esteri 1:14

se vale va nga ti ti thumisana nayo ngu vava: Karisena, Setari, Adhimata, Tarxixi, Meresi, Marisena, Memukani, mtxhanu wa vathangeli ni vambidi va Vaperesi, ni va Vamedhi, vale va nga ti wona khohe ya mfumeli, ni kukhalahatsha kumweko nayo ha mfumoni)

2 Samuwele 14:28

Ngu kumaha keto, Abhisalome a to zumba Jerusalema malembe mambidi o tala, kambe kha wona khohe ya mfumeli.

Vahebheru 9:24

Se, Kristu kha wulela ka wukhalo wo sawuleka wo mahwa ngu manza a m'thu, txifananiso txa wukhalo wo sawuleka wa ditshuri. Aniko a wulete nzumani kupune, kasi ku a txi ya hi emela konkuwa masoni ka Txizimu.