Matewu 17:27 - Bhiblia Yo Sawuleka

²⁷ Aniko, kasiku hi si va khuvekisi, tsula lineneni u txi ya dota, teka txihaka txo khata txi no ñolwa ngu ndowo. Txi tule txisofu, u na mana male ya txitateri; yi teke u txi dihela ngu ngani ni nawe.”

Matewu 17:27 Referans Kwoze

2 Vakorinto 6:3

Kha hi lavi kukhuvekisa m'thu ni wammweyo kufela ku mthumo wathu wu si solwi.

2 Vakorinto 8:9

Ma wu ziva wunene wa Mkoma wathu Jesu Kristu. Ene hambiko i ku nyamne wa sotshe, a ti mahile txisiwana, kasiku anu mi txi mana sotshe ngu mhaka ya wusiwana wakwe.

1 Vakorinto 8:9

Se ti woneleni, kasiku, kukhululeka kwanu ka mhakeyo, ku si khuvekisi ava vo mbi tsana.

1 Vakorinto 8:13

Ngu toneto, ngako sakudya si txi khuvekisa mwanathu, ani kha ni na mbiswa ni txi dya nyama, kasiku ni si khuvekisi mwanathu.

Jona 1:17

Mkoma a to rumela txihaka txa hombe, kasiku txi mita Jona; se Jona a to zumba mndani ka txihaka masiku mararu ni wusiku wa kona.

Masalmo 8:8

sinyana sa nzuma, sihaka sa linene ni sotshe si zumbako lineneni.

1 Vafumeli 17:4

Se u na sela mati a txinambwana; nguko ni rumile magwana ati to ma na kudyisa.

Varoma 14:21

Ti tshurile ngako u si dyi nyama, u si seli vhinya, u si mahi txilo txihi ni txihi txi khuvekisako mkwanu.

Jona 2:10

Sekoko Mkoma a to womba-womba ka txihaka, se txona txi to kosa Jona ha mafuni.

Jakobe 2:5

Engisani, vanathu vo randeka: Ina kasi Txizimu kha txa langa vathu va sisiwana ditikoni muwa, kufela kuve maha vanyatithombe mu ka likholo, ni vadyi va thomba ya Mfumo wu txona Txizimu txi nga wu thembisa ka vale va txi randako, kani?

Genesisi 1:28

Se Txizimu txi to va katekisa, txi va gela ku kha txona: “Velekelani, mi txi anda, mi tala ha mafuni, mi txi ma fuma; fumelani sihaka sa linene, ni sinyana sa nzuma, ni sotshe sihari si si tsimbilako ha mafuni.”

1 Vatesalonika 5:22

Vayilelani sotshe so biha.

Johani 6:61

Ngako Jesu a di ti woni ti to vagondiswa vakwe va ngura-ngura, a to va wotisa a txi khene: “Ina mhaka yiya ya mi thela dikhodho kani?

Matewu 5:29

Ngako diso dako da txinene di txi kukhuvekisa, di phokonyole, u txi di tshotsha kule ni nawe nguko i txhuko kuluzekelwa ngu txihango txako txa tximwetxo, kupinda kutshotshwa mndiloni ka Gehena wotshe mmidi wako.

Matewu 5:30

Ngako diwoko dako da txinene di txi kukhuvekisa, di wile u txi di tshotsha kule ni nawe, nguko i txhuko kuluzekelwa ngu txihango txako txa tximwetxo, kupinda kutshotshwa mndiloni ka Gehena wotshe mmidi wako.”

Matewu 17:26

Ene a xamute a txi khene: “Va khupisa vamatiko.” Jesu a nje khene kwakwe: “Ngu toneto, vanana vawe va va leka.

Matewu 18:6

“Aniko awu a no khuvekisa mmweyo ka vava vavadotho va tumelako kwangu, ti nga va i di txhuko ti to txiwindi txa kukhurula txi sungelelwa thamoni kwakwe, a txi rinzwa txizivani ka linene.

Matewu 18:8

Ngu toneto, ngako diwoko mwendo mnenge wako si txi kukhuvekisa, si wile, u si tshotsha kule ni nawe! I txhuko kwako kuwulela kuhanyani u di txilima mwendo u txi khwita, kupinda kutshotshwa mndiloni ko mbi gwita, u di ni mawoko a mambidi ni minenge ya yimbidi.

Marku 9:42

“Wuhi ni wuhi a khuvekisako mmweyo wa sivananana siya si kholwako kwangu, ti nga va i di txhuko kwakwe, ngako va txi mu sunga dirigwi da txigayo mkoloni, se ngu msana va txi mu rinza digovani.

Marku 9:43

Ngako dianza dako di txi kumahisa txionho, di wile, nguko ta vhuna ngutu kwako, kuwulela kuhanyiswani u di txilima, kupinda kuyiswa, u di ni otshe manza ako a mambidi Gehena ka mndilo wo mbi timeka,

Luka 17:2

Ti nga va tinene, ngako a txi sungelelwa dirigwi da kukhurunga thamoni a txi vinzwa lineneni, kupinda kuva e khuvekisa mmweyo ka vale vavadotho.