Matewu 17:23 - Bhiblia Yo Sawuleka

²³ vona va na m'daya, aniko ngu ditshiku da wuraru a na wuka.” Konako, vona va to telwa ngu dikhodho ngutu.

Matewu 17:23 Referans Kwoze

Matewu 16:21

Kukhukhela ka donedo ditshiku, Jesu a to khata kukomba vagondiswa vakwe ti to a fanete kutsula Jerusalema eya xaniswa ngutu ngu madhota ni vabhali, ni vaphaxeli va hombe, ni ti to a na dawa, se ngu msana a na tshumela e wuka ka vakufa ngu ditshiku da wuraru.

Marku 8:31

Se a to khata ku va gondisa tito: “Mwanana wa M'thu a fanete kuxaniseka, a txi nyenywa ngu madhota a ditiko ni vaphaxeli va hombe ni vabhali, e dawa, e tshumela a txi wuka ngu ditshiku da wuraru.”

Zakariya 13:7

Awe ditxhari khukha u lwa ni m'dyisi, lwana ni wamwamna wule i ku mngana wangu, kuwomba Mkoma wa Mabutho a Tiyimbi; peka m'dyisi, se ti na hangalaka tinvuta; aniko ni na nawuluta dianza dangu, ni peka vale vavadotho.

Johani 16:6

Kambe akuwa ni nga mi gela tiya, timbilu tanu ta pandiseka ngutu.

Johani 2:19

Jesu a to xamula a txi khene: “Khundumusani Dithepele diya, ani ni na di wusa ngu masiku mararu.”

Dhaniyeli 9:26

Se msana ka mtxhanu wa magumi ni dimwedo a mavhiki ni mavhiki mambidi, Mesiya a na thaviswa, kha na mbi vaho kambe; se vathu va mthangeli wule a nota, va na haxula didhoropa ni wukhalo wo sawuleka, kambe magwito a sona ma na fana ni dambi, ku nava ni yimbi kala magwito; si emisetwe kuhoxotwa.

Isaya 53:7

Ene a to khoziswa, aniko kha tula txisofu; kufana ni txinvutana a to yiswa kudawani, ni kufana ni nvuta masoni ka wu a yi kayako, ene kha tula txisofu.

Masalmo 22:15

Mkolo wangu wu omile kufana ni mraka wo hiswa ni lidimi langu li namarete mkanani kwangu. Awe u ni lekile hafuhi ka diphala.

Masalmo 16:10

Awe Mkoma, khu na mbi ni leka ka wukhalo wa vafi, kambe khu na mbi tumela ti to msawuleki wako e sina diphalani.

Matewu 17:9

Se mbimo yi va nga ti relela ngu mmangoni niya, Jesu a va layile, a txi khene: “Mi nga wombeni ni ka wammweyo txidiwukiso txi mi nga txi wona, kala mbimo yi Mwanana wa M'thu a no wuka ngu ka vafi.”

Matewu 20:19

va na mningela ka vamatiko, kasiku ve mu ruketela ni ku mu kwapela ni ku mu bethela ha txihambanoni. Aniko ene ngu ditshiku da wuraru a na wuka.”

Matewu 27:63

veya mu gela tiya: “Awe mfumeli, ha khumbula ti to mxengeteli wule a wombile, a di ngadi a txi hanya, a txi khene: ‘Ni na wuka ngu ditshiku da wuraru.’

Marku 9:30

Ngako va di khukhile haleya, va to tshawunyeta ngu Galileya. Ene Jesu asi ti lavi ti to ti txi ziwa ngu m'thu,