Matewu 17:20 - Bhiblia Yo Sawuleka

²⁰ Jesu a va xamute a txi khene: “Ngu mhaka ya kutumela kwanu ka kudotho, nguko kha ditshuri ni khani kwanu: Ngako mi di ni kukholwa ko fana ni mbewu ya txinapi, mi na womba ka mmango wuwa, mi txi khanu: ‘Khukha hawa u txi ya haleya’, wona wu na khukha. Txi walo ni tximwetxo mi no txi tanda.

Matewu 17:20 Referans Kwoze

Luka 17:6

Mkoma a xamute a txi khene: “Idiku mo va ni likholo lo fana ni nyingi ya txinapi, mi ndi na gela mmora wuwa mi txi khanu: ‘Ti dule u txi ya ti phaya upune lineneni.’ Se wona wu ndi na mi engisa.”

Marku 11:23

Kha ditshuri ni khani kwanu: Mmwani ni mmwani a no womba ka txitunga txiya, a txi khene: ‘Khukha u ya ti rinza lineneni’, na asi kanakani mbiluni kwakwe, kambe a txi kholwa ti ta ku ati a ti wombako ti na maheka, a na mahelwa tona.

Luka 18:27

Se ene a txi khene: “Ati ti xulako vathu, kha ti xuli Txizimu.”

Luka 1:37

Nguko ka Txizimu ti walo to tandeka.”

Matewu 21:21

Jesu a xamute a txi khene: “Kha ditshuri na mi gela ku khani: Ngako mi di ni likholo, mi si kanakani, kha mi na mbi maha dwe, ati ni nga maha ani ka mkuwu wuwa, hambi idiku mi khanu ka mmango wuwa: ‘Khunuka eho u txi ti tshotsha lineneni’, ti na maheka.

Marku 9:23

Jesu a ti khene kwakwe: “Ngako u txi sikota! Totshe ta koteka ka wu a kholwako.”

1 Vakorinto 13:2

Hambi idiku ni to ningwa wuprofeti, ni kuziva totshe ta kusisaleka, ni wotshe wutxhari, hambi idiku no va ni likholo la hombe, ahawa koza ni sikota kukhunula mimango, kambe ngako ni si nga ni lirando, kha ni nga txilo.

Matewu 13:31

Se a to va mahela kambe tximwani txidinganiso a txi khene: “Mfumo wa nzumani wu fana ni mbewu ya txinapi, ayi m'thu wokari a nga yi teka, e yi phaya thembweni kwakwe.

Johani 11:40

Jesu a to mu xamula, a txi khene: “Kasi kha na kugela tito, ku nga ti u txi kholwa, u na wona lidhumo la Txizimu, kani?”

Marku 4:31

Wu fana ni mbewu ya txinapi, ayi i ku ya yidotho ka timbewu totshe ta mafu.

Vahebheru 3:19

Se ngu toneto, ha ti wona ti to va tandekile kuwulela ngu mhaka ya ku ambi kholwa kwawe.

Matewu 17:17

Jesu a to xamula a txi khene: “Liveleko la vathu va ku ambi kholwa ni vo soholoka, ni na va ni nanu kala txikhati muni kani? Ni na timisela ngu nganu kala ditshiku muni kani? Mu tiseni hawa kwangu.”

1 Vakorinto 12:9

mmwani a ningwa kukholwa ngu Moya wu wawumwewo; mmwani wa ningwa ngu wona Moya wu wawumwewo txihiwa txa kuhanyisa valwali;

Matewu 17:9

Se mbimo yi va nga ti relela ngu mmangoni niya, Jesu a va layile, a txi khene: “Mi nga wombeni ni ka wammweyo txidiwukiso txi mi nga txi wona, kala mbimo yi Mwanana wa M'thu a no wuka ngu ka vafi.”

Matewu 8:26

Se Jesu a to khene kwawe: “Anu vathu va kukholwa ka kudotho, mi ni dizowa ngu txani kani?” Sekoko a to khukha a txi ema, e dhusa txihuhuri ni linene; ngu msana keto, ku to tenga ngutu.

Matewu 17:19

Sekoko, vagondiswa va to tshuketela Jesu, va txi mu gela ngu phuho va txi kha vona: “Hi tandekisile kutxani athu kutovela didhimoni diya kani.”

Marku 11:22

Jesu a to xamula a txi khene kwawe: “Vanani ni likholo ka Txizimu!

Matewu 14:29

Jesu a nje khene: “Ngono!” Pedro a di txhikile ngu ngalavani, a to tsimbila txitimwi ka mati a txi ya ka Jesu.