Matewu 17:12 - Bhiblia Yo Sawuleka

¹² Aniko ani na mi gela ku khani: Elija a tile, kambe kha va m'ziva; va mmahile totshe ti va nga ti lava. Ngu toneto, Mwanana wa M'thu nene a na xaniswa ngu vona.”

Matewu 17:12 Referans Kwoze

Matewu 16:21

Kukhukhela ka donedo ditshiku, Jesu a to khata kukomba vagondiswa vakwe ti to a fanete kutsula Jerusalema eya xaniswa ngutu ngu madhota ni vabhali, ni vaphaxeli va hombe, ni ti to a na dawa, se ngu msana a na tshumela e wuka ka vakufa ngu ditshiku da wuraru.

Mithumo 4:10

ti na ziwe ngu nganu motshenu ni votshe vathu va ka Israyeli, ti to ngu ditina da Jesu Kristu, wa Nazareta, awule anu mi nga mu bethela, awule Txizimu txi nga mu wusa ngu ka vo fa, ni ti to ngu ditina deyo, m'thu wu a ku masoni kwanu a hanyile.

Mithumo 7:52

Ngu wuhi mprofeti wu vatate vanu va nga mbi mxanisa kani? Va date ni vava kukhatani va nga zivisa kuta ka Mlulami, awu anu konkuwa mi nga mningela ni ku m'daya;

Mithumo 2:23

Ngene wu a nga ningelwa mtamoni kwanu ngu txikungo txa kutsana ni wuzivi wa Txizimu. Se anu mi mu date ngu ku mu gogotela ha txihambanoni ngu manza a vathu va i ku sindaka-milayo.

Johani 1:11

Ene i ku Dipswi a tile ka va ka kwawe, kambe va ka kwawe kha va mu amukela.

Luka 7:33

Nguko Johani Mubhabhatisi a tile, asi dyi sakudya, asi seli vhinya, kambe mi txi khanu: ‘Ana ni didhimoni.’

Matewu 21:32

Nguko Johani a tile kwanu a ta mi gondisa nzila ya kululama, kambe kha ma kholwa ngu ngene, kasi vakhupisi ni magelelegele va khotwe ngu ngene; kasi anu, hambiko mi nga wona tiya, kha ma sikota kuhunduluka mi txi kholwa ngu ngene.”

Matewu 11:2

Se ngako Johani a di engisile mu ku khotelwani kwakwe, ta mithumo ya Kristu, a to rumela vagondiswa vakwe kuya wotisa kwakwe va txi kha vona:

Matewu 8:20

Jesu a ti khene kwakwe: “Vanyapwe va ni mikele, ni sinyana sa nzuma si ni sisaka, kambe Mwanana wa M'thu kha na wukhalo wuwa a khigetako ka wona msungo wakwe.”

Matewu 17:9

Se mbimo yi va nga ti relela ngu mmangoni niya, Jesu a va layile, a txi khene: “Mi nga wombeni ni ka wammweyo txidiwukiso txi mi nga txi wona, kala mbimo yi Mwanana wa M'thu a no wuka ngu ka vafi.”

Matewu 17:11

Se ene a txi angula, a to khene kwawe: “Kha ditshuri, Elija a fanela kuta, a ta longisela sotshe.

Matewu 17:13

Sekoko vagondiswa vakwe va ti mani tito, a womba-womba ngu Johani Mubhabhatisi.

Matewu 17:22

Ngako va di sengeletanile Galileya, Jesu a to va gela vagondiswa vakwe a txi khene: “Mwanana wa M'thu a na ningelwa manzani ka vathu;