Matewu 16:3 - Bhiblia Yo Sawuleka

³ Ni mixo, mi khanu: ‘Nyamsi ku nava ni diphuho, nguko nzumani ku ni madhuvi.’ Ma tiziva ta tinene kutxhamusela khohe ya nzuma, se mi sindwa ngu txani kuziva sikombiso sa timbimo kani?

Matewu 16:3 Referans Kwoze

Luka 12:56

Anu vaxengeteli mi ziva kutxhamusela khohe ya nzuma ni mafu, se ngu kutxani mi si sikotiko kutxhamusela mbimo yi mi ku ka yona kani?”

1 Makronika 12:32

ka vanana va ka Isakari, vathu vo ziva timbimo, kasi kuziva ti Israyeli a nga ti fanela kumaha, i ti ti 200 wa vathangeli ni votshe vanawe, va nga tiengisa dipswi dakwe;

Luka 13:15

Aniko Mkoma a mu xamute a txi khene: “Anu vaxengeteli, ina mmwani ni mmwani kwanu kha thukunyuli homu mwendo mbongola yakwe, ngu txibalani, a txi yi yisa kuselani ka mati ngu Sabbata kani?

Matewu 11:5

Mabhofu ma wona; sidiya sa tsimbila; vatshekela va basiswa; maphanzeve ma engisa; vakufa va wuswa ve hanya; sisiwana sa txhumayelwa Evhangeli.

Luka 11:44

Mi na ni dikhombo anu, nguko mi fana ni mayiva, aawa ma si wonekiko, aawa vathu va ma kandetelako, va si ma zivi.”

Matewu 23:13

“Mi na ni dikhombo, anu vabhali ni nanu Vafarisi, vaxengeteli! Nguko ma tsivela vathu kuwulela Mfumoni ka nzumani, kha mi wuleli anu, kambe kha mi tuleli vale va lavako kuwulela.

Matewu 22:18

Aniko Jesu, a di woni kubiha kwawe, a to khene: “Njani mi txi ni duka, anu vaxengeteli, kani?

Matewu 15:7

Vaxengetelinu, Isaya a profetile kwati ngu nganu, a txi khene:

Matewu 7:5

Mxengeteli, thanga ngu kuthavisa mtanda wu, wu ku disoni kwako, ngu kona u no wonisisa ta tinene kuthavisa txizokoro txi txi ku disoni ka mkwanu.”

Matewu 4:23

Msana keto, a to khata kutsimbila ka dotshe ditiko da Galileya, a txi gondisa masinagogani, e txhumayela mahungu a maphya a Mfumo, na a txi hanyisa vathu ka otshe malwati ni ka yotshe mipando.

Vahebheru 5:14

Kambe sakudya si so banga, nza vahombe, i ku va vo tolovela, ava va zivako kuhambanisa totshura ni to biha.