Matewu 16:23 - Bhiblia Yo Sawuleka

²³ Aniko ene a to tshembereka a txi khene ka Pedro: “Khukha hawa, Sathaniwe! Awe u txikhuvekiso kwangu, nguko khu pimisi ta Txizimu, kambe u pimisa ta vathu, dwe.”

Matewu 16:23 Referans Kwoze

Vafilipiya 3:19

Magwito awe ngu kulova, nguko Txizimu txawe ngu mrumbu wawe. Va ti kukumukisa ngu sile si va thelako tingana, va khutalela tithomba ta mafu dwe.

Vakolosa 3:2

Alakanyani simaha si i ku sa txitimwi, i si nga asi i ku sa ha mafuni,

Marku 8:33

Aniko Jesu a to tshembereka e wonetela vagondiswa, e kawuka Pedro, a txi khene: “Khukha masoni kwangu, Sathani! Khu khatali ngu timhaka ta Txizimu, u khatala ngu timhaka ta vathu.”

Matewu 4:10

Se Jesu a to khene: “Khukha Sathani! Ti bhatwe tito: ‘U na khizamela Mkoma Txizimu txako, ngene ekha u no m'khozela.’ ”

Johani 6:70

Jesu a to xamula a txi khene: “Ina hi nga ani ni nga mi sawula, anu va Digumi ni Vambidi kani? Hambi keto mmweyo wanu i Sathani.”

Luka 4:8

Jesu a mu xamute a txi khene: Khukha Sathani! “Ti bhatwe ti taku: ‘U na khozela Mkoma Txizimu txako, u txi thumela txona, dwe.’ ”

Genesisi 3:17

Se ka Adhamu, Txizimu txi ti kha txona: Ngako u nga engisa dipswi da msikati wako, u txi dya muhando wa mndonga wule ni nga ku gela ku khani: U nga dye muhando wa mndonga wuwa, ngu mhaka yako, ma ruketetwe mafu. U na dya mihando ya wona ngu kuxupheka otshe masiku a kuhanya kwako.

Varoma 14:13

Ngu toneto, he lekeni kulamulana ngu txathu; kambe ti woneleni mi si vekeli mkwanu txikhuvekiso, hambi txitsha txa ku mu humba.

1 Makronika 21:1

Sekoko Sathani a to wukela va ka Israyeli, e kujetela Dhavhidha kubala va ka Israyeli.

2 Samuwele 19:22

Kambe Dhavhidha a to khene: I txani ni ku natxo ani ni nanu vanana va Zeruiya, kuza nyamsi mi ni wukela kani? Ina ku nafa m'thu nyamsi Israyeli kani? Ngu kutxani mi si tiziviko taku nyamsi ni vekilwe kuva mfumeli txitimwi ka Israyeli kani?

Isaya 8:14

Sekoko, ene i nava nyumba yanu yo sawuleka, aniko a na maha dirigwi do mi gumula, ni txirigwana txo nyenyeka, ka tinyumba timbidi ta ka Israyeli; mlawu ni likoka ka vaaki va Jerusalema.

Varoma 14:21

Ti tshurile ngako u si dyi nyama, u si seli vhinya, u si mahi txilo txihi ni txihi txi khuvekisako mkwanu.

Matewu 18:7

Di na ni dikhombo ditiko ngu mhaka ya sikhuvekiso! Kha ditshuri sikhuvekiso si fanete ku va ho, aniko ana ni dikhombo m'thu wuwa sikhuvekiso si tako ngu kwakwe.

Matewu 16:22

Pedro a to m'dhana ngu phuho e khata ku mu kawuka, a txi khene: “Txizimu txi na ku hulukise keto, Mkoma! Eto txima kha ti na mbi maheka kwako.”