Matewu 16:21 - Bhiblia Yo Sawuleka

²¹ Kukhukhela ka donedo ditshiku, Jesu a to khata kukomba vagondiswa vakwe ti to a fanete kutsula Jerusalema eya xaniswa ngutu ngu madhota ni vabhali, ni vaphaxeli va hombe, ni ti to a na dawa, se ngu msana a na tshumela e wuka ka vakufa ngu ditshiku da wuraru.

Matewu 16:21 Referans Kwoze

Matewu 17:12

Aniko ani na mi gela ku khani: Elija a tile, kambe kha va m'ziva; va mmahile totshe ti va nga ti lava. Ngu toneto, Mwanana wa M'thu nene a na xaniswa ngu vona.”

Matewu 27:63

veya mu gela tiya: “Awe mfumeli, ha khumbula ti to mxengeteli wule a wombile, a di ngadi a txi hanya, a txi khene: ‘Ni na wuka ngu ditshiku da wuraru.’

Matewu 20:28

Nga toneto, Mwanana wa M'thu nene, kha tela ku ta thumelwa, aniko a tete ku ta thumela, ni kuningela wutomi wakwe, kasi kutirula vavangi.”

Luka 17:25

Kambe kukhata a fanete kuxaniswa ngutu e zondwa ngu va liveleko liya.”

Luka 24:46

Se a txi khene kwawe: “Ti bhatwe ti to Mesiya a ti fanela kuxaniseka, a txi wuka ngu hagari ka vakufa ngu ditshiku da wuraru,

Marku 8:31

Se a to khata ku va gondisa tito: “Mwanana wa M'thu a fanete kuxaniseka, a txi nyenywa ngu madhota a ditiko ni vaphaxeli va hombe ni vabhali, e dawa, e tshumela a txi wuka ngu ditshiku da wuraru.”

Luka 9:31

ava va nga woneka ngu kuphatima, va txi womba-womba ngu ti a no khukhisa tona ngu Jerusalema.

Matewu 26:47

Ene a di ngadi a txi womba tiya, konaho ku to bwaka Judha, mmweyo wa va digumi ni vambidi, ni dibutho da hombe da vathu kumweko nayo, na va di ni matxhari ni migomba, va txi ta ngu kurumwa ngu vaphaxeli va hombe ni madhota a ditiko.

Matewu 26:2

“Ma tiziva ti to ngako ma di pindile masiku mambidi ku nava i di Pasika; se Mwanana wa M'thu a na ningelwa kasi kuya bethelwa ha txihambanoni.”

Matewu 27:12

Kambe mbimo yi a nga ti mangalelwa ngu vaphaxeli va hombe ni madhota a ditiko, kha xamula txilo.

Matewu 16:28

Kha ditshuri ni khani kwanu: Hagari ka va va kuho hawa, vaho vamwani va no mbi fa, va sa thanga ngu kuwona kuta ka Mwanana wa M'thu Mfumoni kwakwe.”

Nehemiya 12:7

Salu, Amoki, Hilikiya, e Jedhaya; avava i ti ti vathangeli va vaphaxeli ni va vanawe, ka masiku a Jesuwa.

Matewu 12:40

Kufana ni Jona a nga zumba mndani ka txihaka masiku mararu ni wusiku wa kona, nene Mwanana wa M'thu a na zumba mndani ka mafu masiku mararu ni wusiku wa kona.

Matewu 16:22

Pedro a to m'dhana ngu phuho e khata ku mu kawuka, a txi khene: “Txizimu txi na ku hulukise keto, Mkoma! Eto txima kha ti na mbi maheka kwako.”

Matewu 17:9

Se mbimo yi va nga ti relela ngu mmangoni niya, Jesu a va layile, a txi khene: “Mi nga wombeni ni ka wammweyo txidiwukiso txi mi nga txi wona, kala mbimo yi Mwanana wa M'thu a no wuka ngu ka vafi.”

Matewu 28:6

Ene kha nga ho hawa, nguko a wukile nga ti a nga wombisa tona. Ngonani mi ta wona wukhalo wu Mkoma a nga ti vekilwe ka wona.

Marku 9:12

A to va angula a txi khene: “Kha ditshuri Elija a nata kuthanga, a ta wuseta sotshe; kambe ti bhalisilwe kutxani ngu mhaka ya Mwanana wa M'thu, ti ta ku a fanete kuxaniseka ngutu ni kunyenywa kani?