Matewu 16:20 - Bhiblia Yo Sawuleka

²⁰ Ngu msana a to laya vagondiswa ti to va si geli m'thu ni wammweyo taku ene i Mesiya.

Matewu 16:20 Referans Kwoze

Marku 8:30

Se ene a to va gela ngu kutsanisa ti to va si thuki ve womba-womba ngu ngene ka vathu.

Luka 9:21

Ene Jesu a to va layisisa ta tinene ti to va si geli m'thu ni wammweyo,

Johani 1:41

Ene a thangile ngu mwanawe Simoni, a txi mu mana, se a txi mu gela ku khene: “Hi mmani Mesiya!” Ati ti wombako ku Kristu.

Matewu 17:9

Se mbimo yi va nga ti relela ngu mmangoni niya, Jesu a va layile, a txi khene: “Mi nga wombeni ni ka wammweyo txidiwukiso txi mi nga txi wona, kala mbimo yi Mwanana wa M'thu a no wuka ngu ka vafi.”

Luka 9:36

Di di ngadi di txi pfala dipswi diya, Jesu a to maneka i di ene ekha. Keyo masiku vagondiswa va to malala, va si geli m'thu ati va nga ti wona.

Matewu 8:4

Jesu a txi khene kwakwe: “Ti wonele, u nga gele m'thu, aniko tsula u txi ya ti kombisa ka mphaxeli, u txi humisa mningelo wu wu nga emiswa ngu Mosi, kasi ku na maha wufakazi kwawe.”

1 Johani 5:1

Wuhi ni wuhi a kholwako ti to Jesu i Mesiya, a velekilwe ngu Txizimu; se awule a randako m'veleki, wa m'randa kambe awule a nga velekwa ngu ngene.

1 Johani 2:22

I mani i ku wa makuhu, i si nga wule a kanetako ti to Jesu i Mesiya, kani? M'thu wo ngeto, ngeneyo Mkaneti wa Kristu, a lambako Tate ni Mwanana.

Mithumo 2:36

“Ngu konaho, ta laveka ti to yotshe nyumba ya Israyeli yi tiziva ngu ditshuri da kutsana timhaka tiya: Txizimu txi mwusile Mkoma ni Mesiya, ene Jesu Kristu wu anu mi nga mu gogotela ha txihambanoni.”

Johani 20:31

Kambe timhaka tiya ti nga bhalwa, ti bhaletwe ku mi txi kholwa ti to Jesu ngene Kristu Mwanana wa Txizimu, ni tito, ngu kukholwa kuwa, mi na mana kuhanyiswa ngu ditina dakwe.

Johani 1:45

Filipi a to mana Nathaniyele, a txi khene kwakwe: “Hi mmani wule Mosi a nga bhala timhaka takwe Mlayoni, ni Vaprofeti ni vona va bhate: I Jesu wa Nazareta, Mwana Josefa.”

Marku 9:9

Mbimo yi va nga txi relela ngu mmangoni, a to va tsimba ti to va si geli m'thu ati va nga ti wona kala Mwanana wa M'thu e wuka ka vakufa.

Matewu 1:16

Jakobe a to veleka Josefa, mwamna wa Mariya, awu a nga veleka Jesu, a dhanwako ku i Kristu.

Matewu 16:16

Simoni Pedro a to angula a txi khene: “Awe u Mesiya Mwanana wa Txizimu txi txi hanyako.”

Luka 2:11

Nyamsi, didhoropani ka Dhavhidha, a velekilwe Muhanyisi, awu i ku Kristu Mkoma.

Johani 11:27

Ene a to khene: “Ina, Mkoma, na kholwa ti to awe ngawe Mesiya, Mwanana wa Txizimu, awu a nga ti fanekela kuta ha ditikoni.”