Matewu 16:18 - Bhiblia Yo Sawuleka

¹⁸ Ngu toneto, nani na kugela, ni khani: Awe u Pedro, se txitimwi ka dirigwi diya, ni na aka Dibanza dangu, ani mtamo wa lifo kha wu na mbi di xula.

Matewu 16:18 Referans Kwoze

Isaya 28:16

Ngu mhaka yeto, Mkoma Txizimu a khene: Wonani taku ani ni vekile dirigwi Siyoni, dirigwi di koko di nga tumelwa, dirigwi da lisima da ha dikhonani, do tsana ngutu, kambe do tshima; awule a kholwako kha na mbi thava.

Vakolosa 1:18

Ene i Msungo wa Dibanza i ku Mmidi wakwe. Ene i makhato, i matiwula a votshe vava va wukako ngu ka vafi; ngu toneto a mani wuthangeli ka sotshe simaha.

Johani 1:42

Se a txi mu heleketa ka Jesu. Jesu a to mu wonisisa, se a txi khene: “Awe ngawe Simoni, mwana Johani; u na dhanwa ku u Khefasi” (ati ti wombako ku Pedro, Dirigwi.)

Vahebheru 12:28

Ngako hi nga amukela mfumo wo mbi dekadeka, he ñolisiseni ta tinene kateko yiya. Ngu yona, a hi khozeleni Txizimu ngu nzila yi yi amukelekako, ngu kutiveka hahatshi, ni txithavo.

Mithumo 2:47

Va txi dhumisa Txizimu, na va txi thembeka ka votshe vathu. Se ditshiku ni ditshiku, Mkoma a ti ti engetela mtengo wa vale va nga txi wulela nzilani ka kuhanyiswa.

1 Timoti 3:15

kasiku ngako ni txi thuka ni txi swela, u na ziva ti u fanelako kuhanyisa tona nyumbani ka Txizimu, i ku Dibanza da Txizimu txi txi hanyako: Ngu dona i ku phande ya hombe ni txihiketo txa ditshuri.

Isaya 54:17

Otshe matxhari ale ma longiselwako ku ku wukela, kha ma na mbi humelela; ni totshe tidimi tile ti ku wukelako kulamulwani, awe u na ti kona; ayiya i thomba ya sithumi sa Mkoma, ni wululamo wu wutako ngu kwangu, kuwomba Mkoma.

Vaefesu 5:32

Msisalo wuwa mbwa hombe: Ni womba wa kutshangana ka Kristu ni dibanza dakwe.

Vaefesu 3:10

kasiku wu txi ziviswa konkuwa ka mimoya ya wuthangeli ni ya wukoma wa madhawa a nzumani, ngu kona hawa ka mthumo wa Dibanza, wutxhari wa tixaka to tala wa Txizimu,

Mavingu 24:7

Wutxhari wu txitimwi ngutu, kha wu manelwi ngu txiphukuphuku; txi tandeka ni kutula txisofu banzani.

Jobe 38:17

Mwendo ma ti tumbulekisile kwako matimba a lifo, mwendo u woni matimba a mtsudi wa lifo kani?

Mtuletelo 21:14

Diguma da didhoropa di ti ni digumi da makhato a kuaka ni mambidi, ni txitimwi ka ona ku ti ni matina a digumi ni mambidi, a Vapostoli va Digumi ni vambidi va Txinvutana.

Mithumo 8:1

Ka donedo ditshiku, ku to tumbuluka livengo la tshofu ya kuxanisa dibanza da Jerusalema: Votshe, hahanze ka Vapostoli, va to hangalaka ka matiko a Judheya ni Samariya.

Masalmo 9:13

Telwa ngu wumbilu ngu ngani, Mkoma! Wona kuxaniswa kwangu ngu vale va ni nyenyako. Ni khukhise ha ka matimba ya lifo,

1 Timoti 3:5

Nguko, kungako m'thu asi zivi kuxayisa mwaya wakwe, a na sikotisa kutxani kuxayisa Dibanza da Txizimu kani?

Vagalatiya 2:9

Ngu kuziva yona kateko yi ni nga ningwa, Jakobe ni Khefasi ni Johani ava va ziwako kota tisika ta dibanza, va hi losile ngu ku hi ninga manza a txinene, ani ni Bharnabhasi, ngu txikombiso txa kusengela kwathu navo, kasi athu hi txi ya txhumayela vamatiko, na vona veya txhumayela va wukwera.

Matewu 18:17

Se ngako a txi lamba kambe ku va engisa, tsula u txi ya bika mhaka banzani. Sekoko, ngako a txi lamba ku di engisa ni dona dibanza, kwako a nave i di wa matiko mwendo mkhupisi.”

Matewu 11:23

Se awe Kapernawume, u na guletwa u txi hokiswa nzumani kani? Lambi! U na txhikiswa diphalani ka vafi. Nguko sidiwukiso si si nga mahwa kwako, idiku si ti ko mahwa Sodhoma, didhoropa donedo ngadi ti ngadi ho kala nyamsi.

Matewu 10:2

Matina a Vapostoli va digumi ni vambidi ngu awa: Wo khata i Simoni, a dhanwako ku i Pedro, ni Andreya, mwanawe; Jakobe, mwanana wa Zebhedhewu, ni Johani, mwanawe;

Masalmo 69:12

Va womba-womba ngu ngani mu tinzilani ka didhoropa ni madevi ma embelela tindando ngu ngani.

Genesisi 22:17

ni na kukatekisa, ni andisa liveleko lako, nga tinyeleti ta nzumani, ni ku nga mtxhefa mabambe ka linene; liveleko lako li na honyola madhoropa a valala va lona.

Mtuletelo 11:15

Se ngelozi ya wutxhanu ni timbidi yi to veta mpundu wa yona. Konako ku to pfala mapswi a mtamo nzumani, ma txi kha ona: “Mfumo wa mafu konkuwa wu lumba Mkoma wathu ni Kristu wakwe, se ene a na fuma ngu ha ku si gumiko.”

1 Vakorinto 15:55

Awe lifo, kuxula kwako ku hani? Awe lifo, mndombo wako wu hani, kani?

Isaya 38:10

Ka masiku a kutsaka kwangu, ni naya ha txikeni ka dithitha; se ni tsivetwe malembe angu ale ma nga sala.

Isaya 28:6

Kambe ku nava ni moya wa wululamo, ka wule a khalahatshako e lamula, ni mtamo ka vale va tshumetako yimbi ngu msana, kala ha txikeni.

Masalmo 107:18

sotshe sakudya si ti va xamukisa, se va ti hafuhi ni kufa.

2 Samuwele 18:4

Sekoko Dhavhidha a to vagela ku khene: Ni na maha ti mi ti wonako i di tinene kwanu. Se mfumeli a to ema ngu didhawani ka txike, kambe votshe vathu va to huma ngu mitxawa ya mazana ni ya magumi a mazana.

Masalmo 127:5

A katekile m'thu wu a nga tata msava ngu tingove toneto! Kha na mbi wiswa tingana ngako a txi ti angulela, ni valala vakwe masoni ka valamuli ha phangoni.

Masalmo 129:2

Sikhati sasingi va ni xanisile kukhukhela ka wuphya wangu, aniko kha va sikota ku ni xula.

Jona 2:6

Ani ni relete kala kuya hoka makhatoni ka mimango, matimba a tisimbi a ha mafuni ma tutumile, me ta ni tsivela do gwita; aniko awe u txhatxhisile wutomi wangu kutimelani, Awe Mkoma, Txizimu txangu!

Matewu 4:18

Na a txi tsimbila ngu mabambe ka Linene la Galileya, a to wona vathu vambidi va mkoma ni mnanda, Simoni, a dhanwako ku i Pedro, ni Andreya mnanda wakwe, va nga ti beta tikoka lineneni, nguko i ti vakukuti va sihaka.

Matewu 7:24

“Ngu toneto, awu a engisako mapswi angu e ma veketa, a fana ni m'thu wo txhariha, a nga aka nyumba yakwe txitimwi ka dirigwi.

Mithumo 20:28

Ti woneleni, mi txi wonelela ni wotshe mtxhambi wu, mi nga mahwa vadyisi va wona ngu Moya wo Sawuleka, kasiku mi txi dyisa Dibanza da Txizimu, adiya txona txi nga ti winela ngu mnoha wa Mwanana wa txona apune.