Matewu 16:13 - Bhiblia Yo Sawuleka

¹³ Ngako Jesu a di hokile ditikoni ka Khezareya ka Filipi, a to wotisa vagondiswa vakwe a txi khene: “Kasi vathu va womba ku i mani Mwanana wa M'thu kani?”

Matewu 16:13 Referans Kwoze

Dhaniyeli 7:13

Ka txiwoniso txangu txa wusiku, ni to wona txo fana ni mwanana wa m'thu, a txi ta ngu ka marefu a nzumani; se a to tshuketela ka didhota dile da kale, eza e hoka hafuhi ka dona.

Johani 5:27

Msana keto, a mu ningile mtamo wo lamula, nguko ene i Mwanana wa M'thu.

Matewu 9:6

Sekoko, ani ni na mi kombisa ti to Mwanana wa M'thu ana ni mtamo ha mafuni wa kudivalela sionho.” Sekoko a to khene ka wu wa kuoma sihango: “Khukha u teka m'bhedhu wako, u tsula m'tini kwako.”

Matewu 13:37

Ene a to xamula a txi khene: “Awule a phayako mbewu ya yinene ngu Mwanana wa M'thu;

Matewu 12:8

Nguko Mwanana wa M'thu i Mkoma kambe wa yona Sabbata.”

Matewu 8:20

Jesu a ti khene kwakwe: “Vanyapwe va ni mikele, ni sinyana sa nzuma si ni sisaka, kambe Mwanana wa M'thu kha na wukhalo wuwa a khigetako ka wona msungo wakwe.”

Mithumo 10:38

ti to Txizimu txi totile ngu Moya wo Sawuleka ni kutsanisa Jesu wa Nazareta; awu a nga tsimbila a txi maha ta tinene, e hanyisa votshe vale va nga ti xaniswa ngu Sathani, nguko Txizimu txi ti ni nene.

Mithumo 7:56

Se a ti khene: “Ma ti wona, ani ni wona nzuma yi di tulekile, ni Mwanana wa M'thu a di emile txineneni ka Txizimu.”

Johani 12:34

Vathu va dibutho va to xamula va txi kha vona: “Hi ti engisile amu ka Mlayo ti to Mesiya a na vaho kala kupinduka. Se u wombisa kutxani awe ti to Mwanana wa M'thu a fanete kuguletwa, kani? Mwanana wa M'thu wuwa ngu mani kani?”

Marku 10:45

Nguko Mwanana wa M'thu kha tela ku ta thumelwa, a tete ku ta thumela vamwani, ni kuningela wutomi wakwe, kasi ku na tirula vavangi.”

Marku 8:38

Nguko awu a ku ni tingana ngu ngani ni mapswi angu masoni ka liveleko liya lo mbi thembeka masoni ka Txizimu ni la vaonhi, nene Mwanana wa M'thu a na va ni tingana ngu ngene, ditshiku di a no wuya ni wudhumo wa Tate wakwe, ni tingelozi to sawuleka.”

Matewu 25:31

“Mbimo yi a nota Mwanana wa M'thu ni wudhumo wakwe, kumweko ni tingelozi takwe, ene a nata khalahatsha ha txikhaloni kwakwe ka wukoma.

Matewu 15:21

Jesu a to khukha konaho e tsula madhawani ka Tiro ni Sidhoni.

Matewu 13:41

Mwanana wa M'thu a na rumela tingelozi takwe, ati ti no thavisa ka Mfumo wakwe votshe va i ku vakhuvekisi ni votshe va va mahako to biha,

Matewu 12:32

Wuhi ni wuhi a wombawombako kubiha ngu Mwanana wa M'thu, a na divalelwa; aniko wuhi ni wuhi a wukelako Moya wo Sawuleka, kha na mbi divalelwa, hambi ka yiya mbimo, hambi ka mbimo yi yi tako.”

Johani 3:14

Nga kule Mosi a nga hayeka mnyoka txiwulani, kufana ni toneto nene Mwanana wa M'thu a na hayekwa,

Johani 1:51

A to engeta a txi khene: “Ngu ditshuri, ngu ditshuri, na mi gela ku khani: Kukhukhela konkuwa, mi na wona nzuma yi di tulekile, ni tingelozi ta Txizimu na ti txi kwela, ti va ti txhika txitimwi ka Mwanana wa M'thu.”

Matewu 12:40

Kufana ni Jona a nga zumba mndani ka txihaka masiku mararu ni wusiku wa kona, nene Mwanana wa M'thu a na zumba mndani ka mafu masiku mararu ni wusiku wa kona.

Matewu 16:27

Nguko Mwanana wa M'thu a nata ni wudhumo wa Tate wakwe, kumweko ni tingelozi takwe, se a nata hakela mmwani ni mmwani kota nga ti a nga hanyisa tona.

Matewu 16:28

Kha ditshuri ni khani kwanu: Hagari ka va va kuho hawa, vaho vamwani va no mbi fa, va sa thanga ngu kuwona kuta ka Mwanana wa M'thu Mfumoni kwakwe.”