Matewu 16:11 - Bhiblia Yo Sawuleka

¹¹ Kha mi ti mani ngu txani ti to kha ni wombawombi ngu mapawu, aku ni nga khani: ‘Ti woneleni ka mtshumbelo wa Vafarisi ni wa Vasadhusi’ kani?”

Matewu 16:11 Referans Kwoze

Matewu 16:6

Jesu a to va gela a txi khene: “Tulani maso, mi ti wonela ka mtshumbelo wa Vafarisi ni wa vasadhusi.”

Johani 8:43

Kha mi ma pfi ngu txani mawombawombelo angu kani? Nguko mi si sikotiko kuengisa dipswi dangu.

Luka 12:56

Anu vaxengeteli mi ziva kutxhamusela khohe ya nzuma ni mafu, se ngu kutxani mi si sikotiko kutxhamusela mbimo yi mi ku ka yona kani?”

Marku 8:21

Se ene a to khene kwawe: “Ina kha mi nzi ku ti pfisisa kani?”

Marku 4:40

Se a txi khene kwawe: “Mi thavisa tiya ngu txani kani? Kha mi nzi kuva ni kukholwa kani?”

Matewu 3:7

Mbimo yi a nga wona Vafarisi ni Vasadhusi va txi lava ku ta bhabhatiswa ngu ngene, a txi khene kwawe: “Lixaka la timamba i mani a nga mi laya, ti to mi thava txiviti txi txi tako kani?

Matewu 16:1

Vafarisi ni vabhali va to ta kwakwe, va ta mu duka, va txi mkombela ti to e va kombisa txidiwukiso txa kuta ngu nzumani.

Matewu 16:12

Ngu kona va nga ti mana ti to Jesu a sa womba ti to ve ti wonela ka mtshumbelo wa mapawu, aniko ka tigondo ta Vafarisi ni vasadhusi.

Marku 8:15

Se e va laya a txi khene: “Ti woneleni, mi thava mtshumbelo wa Vafarisi ni mtshumbelo wa Herodha!”

Luka 12:1

Ka yoneyo mbimo, vathu va ti sengeletanile kwakwe ngu magumi a mazana, ahawa koza ve kandetelana. Se Jesu a to khata kugela vagondiswa vakwe a txi khene: “Ti woneleni ka mtshumbelo wa Vafarisi, i ku wuxengeteli.