Matewu 15:9 - Bhiblia Yo Sawuleka

⁹ Va ni khizamela walo, nguko tigondo ti va gondisako nzileleto sa vathu dwe.’ ”

Matewu 15:9 Referans Kwoze

Isaya 29:13

Nguko Mkoma a ti khene: Vathu vava koko va tshuketa hafuhi ni nani, se va ni dhumisa ngu sisofu, aniko timbilu tawe ti kule ni nani, ni txithavo txawe kwangu, nja kulondeta milayo ya vathu dwe, ayi va nga gondiswa yona;

Marku 7:7

Kukhozela kwawe nga mahala, nguko tigondo ti va gondisako nzileleto sa vathu dwe.’

1 Timoti 1:4

va si heti mbimo ngu tikaringane ni kulondetela sibongo so mbi guma, asi si vangako kukanetisana, akuwa ku si vhuniko mthumo wa kuranda ka Txizimu, wu tsimbitiswako ngu kukholwa.

Titosi 1:14

va si ti ningeteli amu ka mabhulo a Vajudha, mwendo ka sileleto sa vathu vo hambana ni ditshuri.

Vahebheru 13:9

Mi nga tumeleni kukanganyiswa ngu tigondo to mbi zivaneka. Nguko, ti ni lisima ngako mbilu yi txi tsaniswa ngu kateko kupinda sakudya, asi si si vhuniko txilo ka vale va namarelako ka sona.

Jakobe 2:20

Awe m'thu wa txipumbu, wa ti lava kuwona ti to likholo li li ku si nga ni mithumo kha li vhuni txilo, kani?

1 Samuwele 25:21

Se Dhavhidha a to khene: Ngu ditshuri ni xayisile walo sotshe sile m'thu wuwa a nga ti naso txiwulani, kha kelelelwa ngu txilo ka sotshe si a ku naso, kambe ene a ni tshumetete wubihi ngu wunene.

Dhewuteronome 12:32

U na xayisa totshe ti ni no kuruma; u nga engetele txilo, hambi kuhungula.

Eksodha 20:7

U nga sakane ngu ditina da Mkoma Txizimu txako, nguko Mkoma kha na mbi mleka asi m'khawulisi awule a sakanako walo ngu ditina dakwe.

Masalmo 73:13

Kha ditshuri, kha ta vhuna txilo kubasisa mbilu yangu ni ku va ni manza o basa ka totshe to biha!

Masalmo 39:6

Ene wa pinda kufana ni mtsudi! Kha ti vhuni txilo kusengeletela tithomba, na asi ti zivi ti to ti na sala ni mani.

Levhi 26:20

Mi na xakela walo mitamo yanu, nguko mafu anu kha ma na mbi nona me pfunisa silo sanu, ni mindonga ya mu ditikoni kwanu, kha yi na mbi veleka mihando ya yona.

Levhi 26:16

sekoko nani ni na mi maha tiya: Ni na mi tisela kuthava txitimwi kwanu, dikhodho ni txindeyandeya, asile si no mi heta maso ni kuxupha mimoya yanu; mi na phaya walo timbewu tanu, aniko ti na dyiwa ngu valala vanu.

Mtuletelo 22:18

Na tsanisa ka wuhi ni wuhi a engisako mapswi a kuprofeta ka dibhuku diya ni khani: “Ngako m'thu a txi engetela mamwani mapswi, Txizimu txi na mu engetela mitungu yi yi nga bhalwa ka dona dibhuku diya.

Malakiya 3:14

Anu mi khanu: Kha ti vhuni txilo kuthumela Txizimu; ti hi vhunile txani kuxayisa sileleto sa txona, ni kutsimbila hi di ambate mizila ya txidilo masoni ka Mkoma wa Mabutho a Tiyimbi kani?

1 Vakorinto 15:2

ayi yi no mi hanyisa, ngako mi txi yi veketisa tiya ni nga mi txhumayelisa tona. Hahanze keto, kukholwa kwanu ku nga va i di ka mahala.

Matewu 15:10

Sekoko, ene a to dhana dibutho, a txi khene kwawe: “Engisani, mi ti pima!