Matewu 15:4 - Bhiblia Yo Sawuleka

⁴ Nguko Txizimu txi layile txi txi kha txona: ‘Thava tate wako ni mame wako’ ni tito: ‘Awu a ruketelako tate mwendo mame wakwe, a nafe ngu kudawa.’

Matewu 15:4 Referans Kwoze

Eksodha 20:12

Thava tate wako ni mame wako kasiku masiku ako ma na engetelwa ka ditiko di u nga ningwa ngu Mkoma, Txizimu txako.

Levhi 20:9

Awule a vengelako tate wakwe mwendo mame wakwe, ngu ditshuri a na tsayiswa ngu kufa. Nguko a nyenya tate wakwe mwendo mame wakwe, se a fanete kudawa; mnoha wakwe wu na wela txitimwi kwakwe.

Eksodha 21:17

Awule a ruketelako tate wakwe mwendo mame wakwe, a na dawa.

Dhewuteronome 5:16

Thava tate wako ni mame wako, nga ti Mkoma, Txizimu txako, a nga kuleleta, kasi masiku ako ma na anda ni nawe u na kateka, ka ditiko di Mkoma, Txizimu txako, a no kuninga.

Mavingu 23:22

Engisa tate wako wule a nga kuveleka, kambe u nga txhipise mwamwako mbimo yile a no kumba.

Levhi 19:3

Mmweyo ni mmweyo a na thave tate wakwe ni mame wakwe, e vekisa Masabbata tangu. Ani ngani Mkoma, Txizimu txanu!

Matewu 19:19

thava tate wako ni mame wako; randa muakelani wako nga ti nawe u ti randisako tona.”

Vaefesu 6:1

Anu vanana, engisani vaveleki vanu, nguko eto ti lulamile masoni ka Mkoma.

Mavingu 20:20

Awule a rukako tate wakwe mwendo mwamwakwe, a na timekelwa ngu dilambu dakwe, se a na zumba ka txidema txa hombe.

Dhewuteronome 27:16

“Dikhombo di nave ka wule a vengako tate wakwe ni mame wakwe!” Vathu votshe va na womba va txi kha vona: “Amen!”

Varoma 3:31

Se ina ho fuvisa mlayo ngu mhaka ya kukholwa kani? Lambi! Aniko ho tsanisa mlayo.

Mavingu 30:17

Maso ale ma poyilelako tate mwendo kutxhipisa ngu kwa mbi engisa mame, ma na xokolelwa ngu magwana a txinambwanani, se me dyiwa ngu sisondo sa digama.

Matewu 4:10

Se Jesu a to khene: “Khukha Sathani! Ti bhatwe tito: ‘U na khizamela Mkoma Txizimu txako, ngene ekha u no m'khozela.’ ”

Isaya 8:20

Amu ka mlayo ni mu ka wufakazi! Ngako va si wombi dipswi diya, kha va na mbi dhuka ve wona wuronga.

Matewu 15:3

Aniko ene a to va xamula, a txi khene: “Nananu mi ndakela txani Mlayo wa Txizimu ngu mhaka ya sihena sanu kani?

Matewu 15:5

Aniko anu mi khanu: ‘Awu a gelako tate wakwe mwendo mame wakwe ti to asiya a nga ti fanete ku mu vhunetela ngu sona, si ningetwe ka Txizimu,