Matewu 15:32 - Bhiblia Yo Sawuleka

³² Jesu, a di dhani vagondiswa vakwe, a to va gela a txi khene: “Na di pfela wusiwana dibutho diya, nguko va zumbile ni nani masiku mararu, na va si dyi txilo. Anani kha ni ti lavi ku va tshumeta ni nzala, nguko ni thava ti to va nga thuka ve jiyela ha nzila.”

Matewu 15:32 Referans Kwoze

Matewu 9:36

Ngako Jesu a di woni dibutho da vathu, a to va pfela wusiwana, nguko va ti ti karate ni kurereka, nga tinvuta to mbi na m'dyisi.

Mithumo 27:33

Ngako va di ngadi va txi verela kutxa ka dona, Paulo a to gela votshe ti to ve dya sakudya, a txi khene: “Nyamsi ditshiku da wugumi ni mune mi di tsanisete, mi ti tona sakudya, mi si dyi txilo.

Vahebheru 4:15

Nguko, Mphaxeli wathu wa Hombe, hi ku nayo, hi nga ene wo sindwa ku hi pfela wusiwana ka sionho sathu, nguko nene a dukilwe ka totshe tinzila, kufana ni nathu, kambe kha maha txionho.

Luka 7:13

Mkoma, mbimo yi a nga mu wona, a to mpfela wusiwana, a txi khene kwakwe: “U nga dile!”

Marku 9:22

Se sikhati sasingi wu mu tshotshile mndiloni ni matini kasi ku mu lovisa. Kambe ngako u txi sikota, hi vhune, hi pfele wusiwana.”

Matewu 27:63

veya mu gela tiya: “Awe mfumeli, ha khumbula ti to mxengeteli wule a wombile, a di ngadi a txi hanya, a txi khene: ‘Ni na wuka ngu ditshiku da wuraru.’

Matewu 20:34

Jesu ngu kutalelwa ngu wumbilu, a to va gwesa mu ka maso awe, kunukunuko vona va to tshumela ve wona, se ve mu londisa.

Matewu 12:40

Kufana ni Jona a nga zumba mndani ka txihaka masiku mararu ni wusiku wa kona, nene Mwanana wa M'thu a na zumba mndani ka mafu masiku mararu ni wusiku wa kona.

2 Vafumeli 4:42

Se kutota wamwamna wokari ngu Bhahali-Salisa, e ta ningela ka m'thu wa Txizimu, mapawu a kufunyela ko khata, magumi mambidi a mapawu a sevhadha, ni mafaka o nakana a makamba, a nje khene: Ningela ka vathu va txi dya.

Matewu 14:13

Ngako Jesu a di engisile tiya, a to khukha konaho ngu ngalava e tsula ka wukhalo wa txiwula ene ekhalela; aniko vathu, mbimo yi va nga tiengisa, va to khukha ve mu londeta ngu minenge, va txi khukhela mitini kwawe.

Matewu 15:33

Vagondiswa va to kha vona kwakwe: “Hi na ma mana hani mapawu txiwulani muwa o dingana kukhurisa vathu vo talisa tiya kani?”