Matewu 15:31 - Bhiblia Yo Sawuleka

³¹ Ahawa ka kuva mabutho ma txi xamala ngu kuwona siduma si txi womba-womba, mabhofu ma txi wona. Se ve dhumisa Txizimu txa Israyeli.

Matewu 15:31 Referans Kwoze

Matewu 9:8

Mabutho a vathu, ngako ma txi wona tiya ma to telwa ngu kuthava, me dhumisa Txizimu atxiya txi nga ninga vathu mtamo wo maha eto.

Luka 18:43

Se ene kunukunuko a to wona, e mlondisa, na a txi dhumisa Txizimu. Votshe vathu va va nga ti wona, ni vona va to pfalisa Txizimu.

Luka 7:16

Votshe va to telwa ngu kuthava ngutu, va txi dhumisa Txizimu, va txi kha vona: “Mprofeti wa hombe a humelete hagari kwathu, Txizimu txi endete vathu va txona.”

Matewu 18:8

Ngu toneto, ngako diwoko mwendo mnenge wako si txi kukhuvekisa, si wile, u si tshotsha kule ni nawe! I txhuko kwako kuwulela kuhanyani u di txilima mwendo u txi khwita, kupinda kutshotshwa mndiloni ko mbi gwita, u di ni mawoko a mambidi ni minenge ya yimbidi.

Matewu 9:33

Ngako didhimoni di di tovetwe, txiduma txi to womba-womba, se dibutho di to xamala, di txi kha dona: “Txima kha ti zivi ka nga wonwa to nga tiya ka Israyeli.”

Johani 9:24

Ka wumbidi, va to engeta ve m'dhana m'thu wule i nga ti dibhofu, va txi kha vona kwakwe: “Dhumisa Txizimu! Athu ha tiziva ti to eyo m'thu muonhi!”

Luka 14:21

Txithumi txi to tshumela txi ya zivisa mkoma wa txona timhaketo. Se nyamne wa m'ti a to henya, a txi gela txithumi txakwe, a txi khene: ‘Kuluveta u txi ya mitendelani ni maphangoni ka didhoropa, u txi tisa kheno sikulungu ni silima ni mabhofu ni va vo khwita.’

Luka 14:13

Aniko, ngako u txi maha m'buso, dhana sisiwana, silima, sidiya ni mabhofu;

Marku 9:43

Ngako dianza dako di txi kumahisa txionho, di wile, nguko ta vhuna ngutu kwako, kuwulela kuhanyiswani u di txilima, kupinda kuyiswa, u di ni otshe manza ako a mambidi Gehena ka mndilo wo mbi timeka,

Marku 7:37

Se va to xamala ngutu, va txi kha vona: “A mahile totshe ngu mamahelo amanene. A mahile ti to maphanzeve me sikota kuengisa; siduma si sikota kuwombawomba.”

Marku 2:12

Ene a to khukha se kunukunuko e teka ditaho dakwe, a txi tsula, na a txi wonwa ngu votshe vathu, ahawa votshe va nga xamala ve dhumisa Txizimu va txi kha vona: “Kha hi zivi ku ti wona to nga tiya.”

Matewu 21:14

Va to tshuketela kwakwe, kona Dithepeleni mule, mabhofu ni silima sa minenge, se ene a txi va hanyisa.

Masalmo 50:23

Awule a ni mahelako mphaxo wa kubonga, ni na m'guleta; ni wule a tsimbilako ngu nzila yangu, ni na mkomba kuhanyisa ka Txizimu.”

Masalmo 50:15

Ni dhane, mbimo yi u ku ha kuxuphekani; ani ni na kuhulukisa, se awe u na ni dhumisa.”

Eksodha 24:10

se va to wona Txizimu txa ka Israyeli, hahatshi ka mikondo ya txona ku ti ni txo nga dirigwi da safira do phatima ku nga nzuma.

Genesisi 33:20

Se konaho a to aka txiluvelo, a nga txi raya ditina daku i “Eli-Txizimu txa Israyeli.”

Genesisi 32:28

Sekoko ene a to khene: “Khu na mbiswa u txi dhanwa to u Jakobe, aniko u na dhanwa ku u Israyeli, nguko u lwite ni Txizimu ni vathu, kambe u xute.”

Matewu 8:10

Ngako Jesu a di pfite tiya, a to xamala, a txi khene ka vava va nga txi mu londisa: “Kha dithuri, na mi gela, ni khani: Kha na mana likholo la hombe lo nga liya, hambi hagari ka va ka Israyeli.

Matewu 9:32

Na a di humile, va to mu tisela m'thu wa txiduma, a nga ti ni didhimoni.

Matewu 15:30

Se dibutho da vathu votala, va to mtshuketela, va txi neha silima, mabhofu, sidiya, siduma ni vamwani vavangi, se veya va veka minengeni kwakwe. Ene a to va hanyisa.