Matewu 15:23 - Bhiblia Yo Sawuleka

²³ Aniko ene kha mu angula txilo. Vagondiswa va to ta kwakwe ve ta mkombela, va txi kha vona: “Mtshumete, nguko wa hi londetela, na a txi hi kulumela.”

Matewu 15:23 Referans Kwoze

Matewu 14:15

Se ni minova, vagondiswa va to tshuketa hafuhi kwakwe, va txi mu gela tiya: “Awuwa wukhalo njiwula, ditambo ni dona se di swite, tshumeta vathu vava, veya mitini va txi ya ti xavela sakudya.”

Sidilo 3:8

Hambi ni txi dila, ni kupeka huwa, ene kha amukeli mkombelo wangu.

Masalmo 28:1

Ni na kwangula kwako, Mkoma, awe dirigwi dangu; u nga tsive tinzeve ka mkombelo wangu. Ngako awe u si ni engisi, ni na fana ni vale va relelako mathowoni.

Dhewuteronome 8:2

Alakanya yotshe nzila yi Mkoma, Txizimu txako, a nga maha ti to u txi tsimbila ngu yona, mune wa magumi a malembe, txiwulani, kasi ku kukhozisa ni ku kuduka, ti to e ziva ati ti ku mbiluni kwako, ti to mwendo u na vekisa sirumo sakwe, niku khu na mbi si vekisa.

Genesisi 42:7

Kambe Josefa a di woni vanawe, a to va ziva, aniko a to ti mahisa a txi nga mthuyo, e womba-womba navo ngu wurena. A to va wotisa, a txi khene: “Mi ta ngu hani kani?” Se vona va mxamute va txi kha vona: “Hi ta ngu ditikoni ka Kanana, ho ta xava sakudya.”

Matewu 15:22

Se mmweyo wamsikati, wa mu Kanana, a nga ti tile ngu Kanana, a to kwangula a txi khene: “Mkoma Mwana Dhavhidha, ni pfele wusiwana. Mwanana wangu wa txihoranana wa xupheka ngutu ngu madhimoni.”

Matewu 15:24

Jesu a to xamula a txi khene: “Ani kha na rumelwa vamwani hahanze ka tinvuta ti ti nga mwalala ta nyumba ya ka Israyeli.”