Matewu 15:19 - Bhiblia Yo Sawuleka

¹⁹ Nguko mbiluni, ngu kona kuhumako mialakanyo yo biha, kudaya, wugelegele, wugango, wukhamba, kusingeta ni kuruketela.

Matewu 15:19 Referans Kwoze

Jeremiya 17:9

Se mbilu mkanganyisi kupinda sotshe silo, yi sinile; i mani a no yi ziva kani?

Mavingu 4:23

Txitimwi ka sotshe si si dinganako kuxayiswa, xayisa mbilu yako, nguko tita ngu ka yona tinzila ta wutomi.

Genesisi 6:5

Se Mkoma Txizimu a to wona tito, kubiha ka vathu ka anda ha mafuni, ni ti to mipimiso ya timbilu tawe yi va yisa kubihani yotshe mbimo.

Jeremiya 4:14

“Jerusalema, kuwula mbilu yako kubihani, kasi ku u na hanyiswa; Maalakanyo ako o biha ma na zumba ni nawe kala yihi mbimo kani?

Mithumo 8:22

Ngu konaho, hunduluka kubihani kwako, u txi khongela ka Mkoma, mwendo u nga divalelwa kualakanya kuwa ka mbilu yako;

Isaya 59:7

Mikondo yawe yi tutumela wubihi, kambe va kuluvetela kuya theketa mnoha wo mbi na mnandu; mipimiso yawe mipimiso ya wubihi; kuhoxota ni kukhundumusela si tinzilani kwawe.

Isaya 55:7

M'bihi a na leke nzila yakwe, m'thu wa kwa mbi lulama a na leke mipimiso yakwe, se a na hundulukele ka Mkoma, ene a na mpfele wusiwana; a na tshumelele ka Txizimu txathu, nguko nja hombe ngutu mu ko divalela.

Mavingu 6:14

Kuonha kuho mbiluni kwakwe; yotshe mbimo a pimisela wubihi; e tsimbila e phaya mazunga.

Masalmo 119:113

Na nyenya vakanganyisi, aniko ni randa mlayo wako.

Varoma 7:18

Nguko na tiziva ti to ati i ku tinene kha ta aka kwangu, ni womba mmidini kwangu; nguko kulava kumaha ta tinene ni nako, aniko mtamo wa ku ti maha kha ni nga nawo.

Matewu 9:4

Se ngako Jesu a di woni mialakanyo yawe, a to khene: “Njani mi pimisa kubiha timbiluni kwanu kani?

Genesisi 8:21

Se Mkoma a to hefemula, a txi pfa kubhumula, a txi khene kha Mkoma mbiluni kwakwe: “Ani kha ni na mbi ngadi ni ruketela ditiko ngu mhaka ya m'thu, nguko mipimiso ya mbilu ya m'thu njo biha, kukhukhela wananani kwakwe; kha ni na mbi ngadi ni daya kambe sotshe sivangwa si si hanyako, kufana ni ti ni nga ti maha.

Mavingu 24:9

Mapimo a txiphukuphuku nja kuonho dwe, kambe mtseketseli njinyenyeko ka vathu.

Mavingu 22:15

Wuphukuphuku wu maneka mbiluni ka mfana, kambe ndonga yo tsayisa yi na wu tutumisa.

Mitengo 22:29

Bhalahamu a to xamula mbongola a txi khene: Ni kupeka nguko, awe wa ni txangamela! I ti ku ni di ni ditxhari manzani, ni ndi na kuthola ngu dona.

Matewu 5:28

Aniko ani ni khani kwanu: Awule a wonetelako wamsikati ngu ku mu navela, se a mahile nayo wugango mbiluni kwakwe.

Matewu 15:20

Asiya ngu sona si bihisako m'thu; kasi kudya u sa samba manza kha ku bihisi m'thu.”