Matewu 15:12 - Bhiblia Yo Sawuleka

¹² Sekoko vagondiswa va to mtshuketela va txi kha vona kwakwe: “Ina wa tiziva ti to Vafarisi va khuvekile, ngako va di engisile dipswi diya dako kani?”

Matewu 15:12 Referans Kwoze

Jakobe 3:17

Kasi wuzivi wu wu tako ngu txitimwi, kukhata wu basile, kambe wu ni lidikho, ni wunene, ni kuengisa, kuhonisela, ni mihando ya yinene, ku ambi kana-kana, ni ku ambi kanganyisa.

Vagalatiya 2:5

Kambe athu kha ha tumela kutiveka hahatshi kwawe, hambi ngu txikhatianyana, kasiku ditshuri da Evhangeli di txi zumba di di tsani kwanu.

2 Vakorinto 6:3

Kha hi lavi kukhuvekisa m'thu ni wammweyo kufela ku mthumo wathu wu si solwi.

Matewu 17:27

Aniko, kasiku hi si va khuvekisi, tsula lineneni u txi ya dota, teka txihaka txo khata txi no ñolwa ngu ndowo. Txi tule txisofu, u na mana male ya txitateri; yi teke u txi dihela ngu ngani ni nawe.”

Matewu 11:6

Se a katekile wule a no mbi mana txikhuvekiso kwangu.”

Matewu 15:11

Hi nga sona si si wulelako mkanani si bihisako m'thu; aniko asiya si humako ngu mkanani ka m'thu ngu sona si mu bihisako.”

Matewu 15:13

Ene a to va xamula a txi khene: “Sotshe so phaywa, asiya si nga mbi phaywa ngu Tate wangu wa nzumani, si na dulwa.