Matewu 15:11 - Bhiblia Yo Sawuleka

¹¹ Hi nga sona si si wulelako mkanani si bihisako m'thu; aniko asiya si humako ngu mkanani ka m'thu ngu sona si mu bihisako.”

Matewu 15:11 Referans Kwoze

Marku 7:15

Ku walo txilo txi tako ngu hahanze ka m'thu, txi wulelako mndani kwakwe, txi sikotako ku mu bihisa; aniko asi si humako ngu mndani kwakwe ngu sona si mu bihisako.

Varoma 14:17

Nguko Mfumo wa Txizimu hi nga kudya ni kusela; aniko ngu kululama, ni kudikha, ni kutsaka ngu ka Moya wo Sawuleka.

Masalmo 12:2

Mmwani a womba makuhu ka mmwani; va womba-womba ngu kukanganyisa, ni timbilu timbidi.

Masalmo 10:7

Txisofu txakwe txi tate ngu kuruketela, ni makuhu ni sipoyilelo; kuwombawombani kwakwe ku ni tshofu ni wubihi.

Varoma 14:20

U nga hasamule mthumo wa Txizimu ngu mhaka ya sakudya. Kha ditshuri sotshe silo si basile; aniko si bihile ngako m'thu a txi dya kambe a txi khuvekisa mmwani.

Vahebheru 13:9

Mi nga tumeleni kukanganyiswa ngu tigondo to mbi zivaneka. Nguko, ti ni lisima ngako mbilu yi txi tsaniswa ngu kateko kupinda sakudya, asi si si vhuniko txilo ka vale va namarelako ka sona.

Varoma 14:14

Na tiziva ni va ni kholwa ngu ka Mkoma Jesu, ti to kha ku nga ni txilo txi txi nga mbi basa ngu wutumbu wa txona; ngako m'thu a txi alakanya ku tximaha txokari txi nyenyezile: Kwakwe kha txa basa.

Isaya 37:23

U sote mani, niku u ruketete mani kani? Niku u kwangute u txi wukela mani, kambe u gulete mani maso kani? U wukete Msawuleki wa Israyeli!

2 Pedro 2:18

Nguko, ngu kuwombawomba mapswi a kutiguleta, ni o mbi nyawula, va riyela ngu minavelo ya mmidi ni kukanganyisa, avale va nga ti ngadi kuhuma ka vale va hanyako kukanganyiswani;

Titosi 1:15

Ka vava va nga basa timbilu, sotshe si basile, aniko ka vava va nga mbi basa, kuwalo txo basa: Mapimo ni livhalo lawe si onhekile.

Matewu 15:10

Sekoko, ene a to dhana dibutho, a txi khene kwawe: “Engisani, mi ti pima!

Matewu 15:12

Sekoko vagondiswa va to mtshuketela va txi kha vona kwakwe: “Ina wa tiziva ti to Vafarisi va khuvekile, ngako va di engisile dipswi diya dako kani?”

1 Timoti 4:3

Vona va na tsimbisa kutekana; va na tsimbisa kudya sakudya sokari na kasi Txizimu ngu txona txi nga si va nga kufela ku si txi amukelwa ngu kubonga ngu va va kholwako ni kuziva ditshuri.