Se ku to vangwa diguwa da hombe; vabhali vokari va mtxawa wa Vafarisi va to ema ve kaneta ngu mtamo, va txi kha vona: “Kha hi mani mnandu ni wawumwewo ka m'thu wuwa; se i di moya wu nga womba-womba nayo ko? Mwendo kambe ngelozi ko?”
Se vabhali ni Vafarisi va to khata kuwombawomba timbiluni kwawe, va txi kha vona: “I mani wuwa a ruketelako kani? I mani a sikotako kudivalela sionho, i si nga Txizimu kani?”
Ka dinwane ditshiku, Jesu a ti gondisa; Vafarisi ni vagondisi va Mlayo, va kuta ngu ka otshe madhoropa a Galileya ni Judheya ni Jerusalema, va ti ti ho konaho. Se mtamo wa Mkoma wu ti ni nene kasi kuhanyisa.
Kambe vabhali va va nga ti relete va txi ta ngu Jerusalema, va to womba va txi kha vona: “Ana ni Bhelzebhule, se a tovela madhimoni ngu mkoma wa madhimoni.”
Nguko ani na mi gela ti to ngako anu mi si mahi kuranda ka Txizimu ngu kuthembeka kupinda vabhali ni Vafarisi, kha mi na mbi wulela Mfumoni ka nzumani.”
Ngu wona wuwa wufakazi a nga wu maha Johani ditshiku di Vajudha va nga rumela vaphaxeli ni Valevhi ngu Jerusalema, kuya mu wotisa, va txi kha vona: “Awe ngawe mani?”
Ngako a di bwakile, Vajudha va kuta ngu Jerusalema, va to mrandela, se ve mu lumbeta minandu yayingi yo thisa ayi va nga ti si sikoti kukomba ditshuri da yona.