Matewu 14:31 - Bhiblia Yo Sawuleka

³¹ Jesu kunukunuko a to nawuluta diwoko dakwe, e mñola, na a txi mu gela tiya: “M'thu wa kukholwa ka kudotho, nji txani u txi kana-kana?”

Matewu 14:31 Referans Kwoze

Masalmo 138:7

Ngako ni txi tsimbila hagari ka kuxaniseka awe wa ni hanyisa; u na nawuluta dianza dako u ni vhikela ka txiviti txa valala vangu se dianza dako da txinene di na ni hanyisa.

Matewu 8:26

Se Jesu a to khene kwawe: “Anu vathu va kukholwa ka kudotho, mi ni dizowa ngu txani kani?” Sekoko a to khukha a txi ema, e dhusa txihuhuri ni linene; ngu msana keto, ku to tenga ngutu.

Genesisi 22:14

Se Abrahamu a to raya wukhalo wule ditina do khene “Mkoma a na ti wonela.” Kukhukhela konaho kala ka ditshiku da nyamsi, kudhanwa ku “Mmangoni Txizimu txi na ti wonela.”

Matewu 17:20

Jesu a va xamute a txi khene: “Ngu mhaka ya kutumela kwanu ka kudotho, nguko kha ditshuri ni khani kwanu: Ngako mi di ni kukholwa ko fana ni mbewu ya txinapi, mi na womba ka mmango wuwa, mi txi khanu: ‘Khukha hawa u txi ya haleya’, wona wu na khukha. Txi walo ni tximwetxo mi no txi tanda.

Marku 5:41

Se a di mu ñote ngu diwoko a to womba a txi khene: “Talita kumi!” Ati ti wombako ku: “Txihoranana ni khani kwako, wuka!”

Marku 1:31

Sekoko ene a to tshuketa a txi mñola ngu diwoko a txi mu wusa; txindeyandeya txi to mu leka, se ene e khata ku va thumela.

Matewu 16:8

Kambe Jesu, ngukuva a di ti zivile totshe, a to khene kwawe: “Vathu va kukholwa ka kudotho! Nji txani mi wombawombisana mi txi khanu: Ngu kuwa mi nga mbi teka mapawu kani?

Isaya 63:12

wule diwoko dakwe do dhundeka, a nga maha ti to di tsimbila ka dianza da txinene da Mosi kani? A nga abanisa mati masoni kwawe, kasi ku ti mahela ditina da kwa mbi gwita kani?

Mithumo 4:30

Nawuluta diwoko dako, ti to ku na mahwa kuhanyiswa ni sikombiso ni sidiwukiso ngu ditina da Jesu, txithumi txako txa kusawuleka.”

Luka 24:34

ava va nga va gela va txi kha vona: “Ngu ditshuri, Mkoma a wukile; kambe a ti wonekisile ka Simoni!”

Marku 16:7

Tsulani mi txi ya gela vagondiswa vakwe ni Pedro, ti to ene wa mi thangela kuya Galileya, mi na ya mu wona, madingano ni ti a nga mi gelisa tona.”

Marku 11:23

Kha ditshuri ni khani kwanu: Mmwani ni mmwani a no womba ka txitunga txiya, a txi khene: ‘Khukha u ya ti rinza lineneni’, na asi kanakani mbiluni kwakwe, kambe a txi kholwa ti ta ku ati a ti wombako ti na maheka, a na mahelwa tona.

Marku 1:41

Jesu, ngu kutalelwa ngu wumbilu a to nawuluta diwoko a txi m'gwesa, a txi khene kwakwe: “Na ti lava. Basiswa.”

Matewu 6:30

Se ngako koko Txizimu txi txi ambekisa tiya mwasi wa txitingani, awu nyamsi wu hanyako, se mangwana wu no wilwa wu tshotshwa ha mndiloni, ina txi nga lamba ku mi ambeka ngutu anu, vathunu va likholo la lidotho kani?”

Dhewuteronome 32:36

Mkoma a na emela vathu vakwe, kambe a na va ni wumbilu ngu sithumi sakwe. Ngako a txi wona ti to mtamo wawe wu ngumile ni ti to kha ka sala m'thu wo sungwa mwendo wo thuseka,

1 Timoti 2:8

Ngu toneto, ni lava ti to votshe vathu ve khongela ka otshe makhalo, ve guleta manza o sawuleka, va si nga ni txiviti mwendo mazunga,

1 Pedro 1:5

anu mi vhikelwako ngu mtamo wa Txizimu, ni likholo la kuhanyiswa kuwa hi ku hafuhi ni ku kuwona ka masiku o gwitisa.

Matewu 14:30

Aniko txikhati txi a nga pfa diphuho kuvhukuka, a to telwa ngu dizowa, e khata kubhwabhwamela, e peka huwa, a txi khene: Mkoma ni hulukise!”

Matewu 14:32

Se va di wulete ngalavani, diphuho di to renga.

Marku 4:40

Se a txi khene kwawe: “Mi thavisa tiya ngu txani kani? Kha mi nzi kuva ni kukholwa kani?”