Matewu 14:29 - Bhiblia Yo Sawuleka

²⁹ Jesu a nje khene: “Ngono!” Pedro a di txhikile ngu ngalavani, a to tsimbila txitimwi ka mati a txi ya ka Jesu.

Matewu 14:29 Referans Kwoze

Vafilipiya 4:13

Totshe na ti kota, ngu kutsaniswa ngu wule a ni ningako mtamo.

Marku 9:23

Jesu a ti khene kwakwe: “Ngako u txi sikota! Totshe ta koteka ka wu a kholwako.”

Mithumo 3:16

Ngu kukholwa ditinani ka Jesu, ngu dona ditina dakwe di nga tsanisa m'thu wuwa mi mu wonako ni ku m'ziva; se likholo liya ngu lona li nga mu hanyisa ngu ditshuri masoni kwanu motshenu.”

Luka 17:6

Mkoma a xamute a txi khene: “Idiku mo va ni likholo lo fana ni nyingi ya txinapi, mi ndi na gela mmora wuwa mi txi khanu: ‘Ti dule u txi ya ti phaya upune lineneni.’ Se wona wu ndi na mi engisa.”

Varoma 4:19

Ene kha nga telwa ngu dikhodho likholoni kwakwe ngu kuwona mmidi ngako se a nga ti ni 100 da malembe, hambiko a nga wona mkatakwe Sara ti to a pindetwe ngu mbimo.

Matewu 21:21

Jesu a xamute a txi khene: “Kha ditshuri na mi gela ku khani: Ngako mi di ni likholo, mi si kanakani, kha mi na mbi maha dwe, ati ni nga maha ani ka mkuwu wuwa, hambi idiku mi khanu ka mmango wuwa: ‘Khunuka eho u txi ti tshotsha lineneni’, ti na maheka.

Matewu 17:20

Jesu a va xamute a txi khene: “Ngu mhaka ya kutumela kwanu ka kudotho, nguko kha ditshuri ni khani kwanu: Ngako mi di ni kukholwa ko fana ni mbewu ya txinapi, mi na womba ka mmango wuwa, mi txi khanu: ‘Khukha hawa u txi ya haleya’, wona wu na khukha. Txi walo ni tximwetxo mi no txi tanda.

Matewu 14:28

Pedro a to xamula a txi khene: “I di awe, Mkoma ni dhane ni txi ta kwako ngu txitimwi ka mati.”

Matewu 14:30

Aniko txikhati txi a nga pfa diphuho kuvhukuka, a to telwa ngu dizowa, e khata kubhwabhwamela, e peka huwa, a txi khene: Mkoma ni hulukise!”