Matewu 14:27 - Bhiblia Yo Sawuleka

²⁷ Ka txonetxo txikhati, Jesu a to va angula a txi khene: “Tsanani misana, ngani, mi nga thaveni txilo!”

Matewu 14:27 Referans Kwoze

Johani 16:33

Ni mi gete timhaka tiya kasiku, kwangu, mi va ni kudikha. Mi nava ni sixaniso mu ditikoni, kambe tsanani msana, ni di xute ditiko.”

Mithumo 23:11

Ka wusiku wa kubandameta, Mkoma a to ti wonekisa ka Paulo, a txi khene kwakwe: “Tsanisa mbilu! Ngako u nga fakazela mhaka yangu Jerusalema, ti fanete kuva u yi fakazela kambe ni ni Roma.”

Isaya 41:10

u nga thave, nguko ani ni ni nawe; u nga gume mtamo, nguko ani ni Txizimu txako; na kutsanisa, kambe na kuvhuna, na kuseketela ngu dianza dangu da txinene da kululama.

Isaya 41:4

I mani a nga thuma e maha timhaka tiya, e dhana matiko kukhukhela kukhatani kani? Ani Mkoma, wo khata ni kugwita, ani nipune.

Johani 6:20

Kambe ene a ti khene kwawe: “Ngani, mi nga thaveni!”

Matewu 17:7

Sekoko, Jesu a to va tshuketela, e va wusa, a txi khene: “Khukhani mi txi ema, mi nga thaveni txilo!”

Matewu 9:2

Se va to mu nehela m'thu wa kuoma sihango, a di otete ha didhandoni. Jesu a txi wona kutumela kwawe, a to khene ka m'thu wule wa kuoma sihango: “Mwanangu, tsanisa mbilu! Sionho sako si divaletwe.”

Isaya 51:12

Ani, ani ngani awule ni mi thavelelako; wo va mani awe koko, wa ku naza u thava m'thu wu afako, mwendo mwanana wa m'thu, wu a no hinduka e maha mwasi kani?

Luka 1:30

Se ngelozi yi wombile kwakwe yi txi kha yona: “Mariya, u nga thave, nguko u mani dithomo masoni ka Txizimu;

Luka 1:13

Aniko ngelozi yi m'gete, yi txi kha yona: “U nga thave, Zakariya, mkombelo wako wu engisilwe. Izabheli msikati wako, a na kuvelekela mwanana wa m'zambi, awu u no m'raya ditina da Johani.

Matewu 28:10

Sekoko Jesu a to va gela a txi khene: “Mi nga thaveni txilo, tsulani mi ya gela vanathu ti to ve tsula Galileya, va na ya ni wonela kona.”

Luka 2:10

Ngelozi yi to va gela yi txi kha yona: “Mi nga thaveni, nguko ni mi bikela mahungu amanene a kutsaka ka hombe, akuwa ku no va i di ka votshe vathu.

Isaya 41:14

U nga thave, awe txipungwana txa Jakobe, sivathwana sa ka Israyeli; ani na kuvhuna, kuwomba Mkoma, kambe Mtiruli wako Msawuleki wa Israyeli.

Matewu 14:28

Pedro a to xamula a txi khene: “I di awe, Mkoma ni dhane ni txi ta kwako ngu txitimwi ka mati.”

Matewu 28:5

Aniko ngelozi yi to womba ka vavasikati, yi txi kha yona: “Mi nga thaveni txilo, na tiziva ti to mi lava Jesu, awuwa a nga ti bethetwe ha txihambanoni.

Marku 6:50

Nguko votshe, mbimo yi va nga mu wona, va to dhuka; kambe ene a to kuluveta e womba-womba navo, a txi khene kwawe: “Tsanani misana. Ngani!”

Luka 5:10

A tetwe ngu kuthava nene Jakobe ni Johani, vanana va Zebhedhewu, i nga ti vakoki kulowe ni Simoni. Aniko Jesu a to gela Simoni a txi khene: “U nga thave. Kukhukhela ka nyamsi, u na va u di mkoki wa vathu.”

Luka 12:32

Mi nga thaveni txilo, anu mi ku mtxhambi wa wudothoanyana, nguko ti tsakisile Tate wanu ku mi ninga Mfumo!”