Matewu 14:2 - Bhiblia Yo Sawuleka

² a to gela malanda akwe, a txi khene: “Awuwa i Johani Mubhabhatisi a nga wuka ngu ka vafi; ngu konaho mtamo wu wa kumaha sidiwukiso wu thumako kwakwe.”

Matewu 14:2 Referans Kwoze

Matewu 16:14

Se vona va to angula va txi kha vona: “Vamwani va kha vona i Johani Mubhabhatisi, vamwani va kha vona i Elija, vamwani va kha vona i Jeremiya, mwendo mmweyo wa vaprofeti.”

Johani 10:41

Vavangi va tile kwakwe, va ta kha vona: “Johani kha ditshuri, kha maha txidiwukiso ni txa tximwetxo, aniko totshe ti a nga ti womba ngu mhaka ya m'thu wuwa, nda ditshuri.”

Marku 8:28

Se vona va to angula va txi kha vona: “Va kha vona u Johani Mubhabhatisi, vamwani va u Elija, vamwani kambe va kha vona u mmweyo wa vaprofeti.” Se ene a txi engeta a txi va wotisa a txi khene:

Matewu 11:11

“Kha ditshuri na mi gela: Hagari ka vanana va va nga velekwa ngu wamsikati, kha ka maneka wa hombe wo pinda Johani Mubhabhatisi. Aniko awule i ku wam'dotho ngutu Mfumoni ka nzumani, mbwa hombe ngutu kupinda ene.

Matewu 3:1

Ka ale masiku, ku humelete Johani M'bhabhatisi e txhumayela txiwulani ka Judheya,

Marku 6:14

Ku ti ngako mfumeli Herodha a di pfite timhaka ta Jesu, nguko ditina dakwe di ti ni nduma ngutu, a to khene: “I Johani Mubhabhatisi a nga wuka ngu ka vakufa, ngu konaho mitamo yi thuma ngu ngene.”

Luka 9:7

Mfumeli Herodha a to pfa totshe ti ti nga mahwa ngu Jesu, se a txi kanganyiseka ngutu, nguko vamwani va ti ti kha vona: “I Johani a nga wuka ngu ka vakufa.”