Matewu 14:19 - Bhiblia Yo Sawuleka

¹⁹ Ngu msana keto, a to gela vathu ti to ve khalahatshela ha mwasini. Se e teka mapawu ale a mtxhanu, ni sihaka simbidi, e guleta maso a txi wona nzumani, e si katekisa, a txi si bhandelela, ngu msana e si ningela ka vagondiswa, se vagondiswa ve si abanisela ka vathu.

Matewu 14:19 Referans Kwoze

Luka 24:30

Se a di khalahatshile navo ha mezani, a to teka dipawu, e di katekisa, se ngu msana e di bhanda, e va ninga.

1 Samuwele 9:13

Ngako anu mi txi wulela didhoropani, mi na ya mmana a sanzi ku kwelela ka wukhalo wo guleka kuya dya; nguko vathu kha va na mbi dya an'ze atxi bwaka, nguko ngene a katekisako mhamba, se msana keto, avale vo rambwa va na dya. Kwelelani koko konkuwa, nyamsi mi na mmana.

Mithumo 27:35

Ngako a di wombile tiya, a to teka dipawu e bonga Txizimu masoni ka votshe, e di bhanda e khata kudya.

Marku 6:41

Jesu, ngako a di tekile mapawu a mtxhanu ni sihaka sa simbidi, a to gula maso e wona nzumani e si katekisa e bhandela mapawu e ninga vagondiswa vakwe, ti to vona va txi ma avela ka vathu. Ni sihaka sa simbidi kambe asi avete ka votshe.

1 Vakorinto 11:24

se a di bongile, a to di bhanda, a txi khene: “Asiya i mmidi wangu awu wu no ningelwa ngu kota yanu; mahani tonatiya, mi na ni alakanya ngu tona.”

Varoma 14:6

Awu a ti sawulelako ditshiku dokari, a di sawulela Mkoma. Awu a dyako sotshe, a dya ngu mhaka ya Mkoma, nguko a bonga Txizimu. Nene wu asi dyiko sotshe, kha si dyi ngu mhaka ya Mkoma, nene a bonga Txizimu ngu sona.

Vakolosa 3:17

Ani totshe ti mi ti mahako ngu mapswi ni mithumo, ti maheni ngu ditina da Mkoma Jesu, na mi txi bonga ngu ngene ka Txizimu Tate.

1 Vakorinto 10:16

Digombe da kukatekiswa, adi hi di katekisako, ina hi nga ku ti tshanganisa ni mnoha wa Kristu, kani? Ni dona dipawu di hi bhandako, hi nga kona kutshangana ni mmidi wa Kristu, kani?

Luka 9:14

Kunene vona i ti mtengo wa hafuhi ka 5.000 wa vavamna; Jesu a to gela vagondiswa vakwe a txi khene: “Va geleni ve khalahatshela ngu mitxawa ya mtxhanu wa magumi.”

Marku 7:34

Se a to wona nzumani, a txi hefemuteka, a txi khene kwakwe: “Efata,” ati ti wombako ku “Tuleka!”

1 Vakorinto 10:31

Ngu toneto, mwendo ma dya, mwendo ma sela, mwendo mi thuma tihi ni tihi, ti maheni ngu moya wa kudhumisa Txizimu.

Johani 6:23

Hambi keto, timwani tingalava, ta kuta ngu Tibheriyadhe, ti ti hokile hafuhi ni hawa va nga dyela kona mapawu, ngako Mkoma a di bongile.

Marku 6:39

A to ruma kuva txi khalahatshisa vathu votshe amu ka mwasi wo hanya.

Johani 11:41

Ngu msana va to thavisa dirigwi da diyiva, se Jesu e gula maso akwe, e wona nzumani, a txi khene: “Tata, na ku bonga, nguko u ni engisile.

Luka 22:19

Ngu konaho a to teka dipawu, se a di bongile, a to di bhanda, a txi va ninga, a txi khene: “Asiya i mmidi wangu wu no ningelwa ngu kota yanu; mahani tiya kasi ku ni alakanya ngu tona.”

Luka 9:16

Jesu a to teka mapawu a mtxhanu ni sihaka sile sa simbidi, a txi gula maso a txi wona nzumani, a txi si katekisa, a txi si bhandelela, a txi si ningela ka vagondiswa, kasiku vona ve phakela dibutho;

Matewu 14:18

Ene a to womba a txi khene: “Si wuyiseni kheno kwangu.”

Luka 22:17

Se a to teka digombe, a txi bonga, a txi khene: “Tekani mi txi siyetisana ngu dona,