Matewu 14:10 - Bhiblia Yo Sawuleka

¹⁰ Ngu toneto, a to ruma vathu veya wila msungo wa Johani, mkorani.

Matewu 14:10 Referans Kwoze

Matewu 17:12

Aniko ani na mi gela ku khani: Elija a tile, kambe kha va m'ziva; va mmahile totshe ti va nga ti lava. Ngu toneto, Mwanana wa M'thu nene a na xaniswa ngu vona.”

Mtuletelo 11:7

Mbimo yi ti no heta kufakaza ka tona, txikalani txi txi humako ngu diphalani ko hokoma txi na lwa nato, txi ti xula, txi ti daya.

Luka 9:9

Kambe Herodha a txi khene: “I di Johani, ni mu wite msungo; i nga va mani wuwa ni pfako timhaka takwe, to nga tiya kani?” Se e vilela ku mu wona.

Marku 9:13

Kambe na mi gela ti ta ku Elija a tile, se va mmahile totshe ti va nga ti lava, kota nga ti ti nga bhalwa ngu mhaka yakwe.”

Jeremiya 2:30

Ni pekile walo vanana vanu, kha va tumela kukawukwa. Ditxhari danu di date vaprofeti vanu nga ngonyamo yi hasamulako.

2 Makronika 36:16

Kambe vona va to ruketela mitumi ya Txizimu ve eyisa mapswi awe, va tseketsete vaprofeti vakwe, kala kuza kuhenya ka Mkoma kukwela txitimwi ka vathu vakwe, kupwateka ni wammweyo wo huluka.

Matewu 14:9

Se mfumeli a to pandiseka, aniko ngu mhaka ya kuxambanya kwakwe, ni mhaka ya vale a nga ti navo ha mezani, a to ruma ti to ve mninga.

Matewu 14:11

Vona va to neha msungo wakwe mu ka mbiya, ve wu ningela ka wule wa txihoranana, se ene e wu heleketa ka mame wakwe.