Matewu 13:55 - Bhiblia Yo Sawuleka

⁵⁵ Kasi hi nga ene mwanana wa m'vati kani? Mame wakwe hi nga ene wu a dhanwako ku i Mariya kani? Ni vanawe hi nga vona va Jakobe, ni Josefa, ni Simoni, ni Judha, kani?

Matewu 13:55 Referans Kwoze

Johani 6:42

Vona va ti ti kha vona: “Ina hi nga Jesu wuwa, mwana Josefa, awu hi zivako tate wakwe ni mame wakwe kani? Ngu kutxani koko a txi khene: Ni txhikile ngu nzumani kani?”

Marku 6:3

Ina hi nga ene wuwa m'vati, mwanana wa Mariya, mwanawe Jakobe, ni Josi, ni Judha, ni Simoni, kani? Ina tindiyakwe kha ti nga ho hagari kwathu kani?” Se ve khuveka ngu ngene.

Luka 3:23

Jesu a ti lava kuva ni magumi mararu a malembe, mbimo yi a nga khata kugondisa; se ngu kudinganisa ka vathu, i ti mwana Josefa; mwana Heli;

Luka 4:22

Votshe va ti ti mu fakazela ngu wunene, va txi xamala mapswi a kutala ngu kateko, ma nga txi huma ngu txisofuni kwakwe, va txi kha vona: “Ina hi nga ene mwanana wa Josefa, kani?”

Johani 19:25

Hafuhi ni txihambano txa Jesu, a ti ti ho Mame wakwe ni mwanawe Mame wakwe, ene Mariya, msikati wa Kleyopasi, ni Mariya wa Magdhala.

Marku 15:47

Mariya wa Magdhala ni Mariya, mame wa Joseti, va to wonisisa ahawa va nga mu kelela kona.

Vagalatiya 1:19

Kha na wonana ni mmwani mpostoli, hahanze ka Jakobe mwanawe Mkoma.

Luka 24:10

Ava va nga bikela Vapostoli timhaka tiya, i ti Mariya wa Magdhala ni Jowana, ni Mariya, mame wa Jakobe ni vamwani va nga ti navo.

Isaya 49:7

Mkoma a womba tiya, Mtiruli wa Israyeli, Msawuleki wakwe, ka dihika do eyiswa, do yenywa ngu matiko, ka txithumi txa vale va fumako: Vafumeli va na mu wona va txi khukha, ve ema; vathangeli va na nama masoni kwako, ngu lirando la Mkoma, i ku wo thembeka, ni Msawuleki wa ka Israyeli, a nga kusawula.

Luka 1:27

Yi txi ya ka mbiri, yi nga ti thembisilwe ngu dizambi di di nga ti dhanwa ku i Josefa, wa kuhumela ka lixaka la Dhavhidha. Ditina da mbiri yileya i ti Mariya.

Marku 15:40

Va ti ti ho kambe vavasikati va nga txi wonetela va di kule; hagari ka vona a ti ti ho Mariya wa Magdhala ni Mariya, mame wa Jakobe wam'dotho, ni Joseti ni Salome.

Matewu 27:56

Hagari ka vona, a ti ti ho Mariya wa Magdhala, ni mmwani Mariya, mame wa Jakobe ni Josefa, ni mame wa vanana va Zebhedhewu.

Masalmo 22:6

Aniko ani ni mbungu, kha ni nga m'thu, ni txisekiso masoni ka vathu, na eyiswa ngu ditiko.

Johani 9:29

Ha tiziva ta tinene ti to Txizimu txi wombawombile ni Mosi, kambe awu kha hi ti zivi ti to a ta ngu hani.”

Judha 1:1

Judha, txithumi txa Jesu Kristu, mwanawe Jakobe, ka vale va nga dhanwa, va randekako ka Txizimu Tate, ni kuveketwa ngu Jesu Kristu:

Luka 8:20

Se va to mu zivisa va txi kha vona: “Mame wako ni vananu va emile hahanze, va lava ku kuwona.”