Matewu 13:52 - Bhiblia Yo Sawuleka

⁵² Se a to va gela kambe a txi khene: “Ngu toneto, m'bhali wuhi ni wuhi a nga gondiswa timhaka ta Mfumo wa nzumani, a fana ni wu i ku nyamne wa m'ti, awuwa, ka txuma txakwe, a humisako sasiphya ni sa kale.”

Matewu 13:52 Referans Kwoze

Titosi 1:9

i di wo thembeka kutxhumayelani ka dipswi, e sikota kugondisa gondo yo tsana, kumweko ni kuthumelisa avale va zamako kukaneta.

Matewu 12:35

M'thu wamnene a humisa sa sinene ngu ka thomba yakwe ya yinene; kasi m'thu wa tshofu, a humisa sobiha ngu ka thomba yakwe yo biha.

Mavingu 15:7

Sisofu sa titxhari si na theketa wuzivi, kambe mbilu ya siphukuphuku kha yi na mbi maha eto.

Ezra 7:21

“Kambe ani nipune, mfumeli Aritasasta, na ruma ka votshe vaxayisi va tithomba va ku mtxhatuko ka mnambo taku, ni tihi tile a no mi kombela mphaxeli Ezra, mabhalani wa Mlayo wa Txizimu txa nzumani, ti na mahwe ngu kukuluveta.”

Ezra 7:10

Nguko Ezra a ti ti vekisete mbiluni kwakwe, kulava Mlayo wa Mkoma, kasi ku wu londeta, ni kugondisa kona Israyeli, sileleto sa kona, ni madingano a kona.

Luka 11:49

Ngu konaho, wuzivi wa Txizimu wu wombile, wu txi kha wona: ‘Ni na va rumela vaprofeti ni vapostoli, va na daya vamwani kwawe, ve xanisa vamwani.’

Matewu 23:34

“Ngu konaho, na mi rumela vaprofeti, titxhari ni vabhali. Mi na daya vamwani kwawe mi va bethela ha txihambanoni, mi na kwapela vamwani masinagogani kwanu, mi na va xanisa va txi pepeseka ngu ka didhoropa ni didhoropa.

Mavingu 18:4

Mapswi a mkanani ka m'thu, mati o mita, txisima txa wutxhari txi fanana ni txinambwana txo tala ngu mati me thekelela.

Vakolosa 3:16

Dipswi da Kristu di na ake timbiluni kwanu ngu kutatiseka, na mi txi gondisana ni kulayana ngu wotshe wutxhari, ni kukombelelana ngu masalmo ni mizeno ni tindanto ta moya; embelelani ngu yotshe mbilu ka Txizimu, mi txi komba kubonga kwanu.

Vakolosa 1:7

Mi gondisilwe ngu Epafrasi, mngana wathu ni txithumi kulothu, awu a hi vhunako nga txithumi txo thembeka txa Kristu;

Vaefesu 3:8

Ani wu, ni ku wam'dotho hagari ka votshe vasawuleki ni ningilwe kateko yiya ya kunuwela ka vamatiko mahungu amanene a thomba yo mbi balwa ya Kristu;

Johani 13:34

Na mi ninga mlayo wa wuphya: Randanani! Nga ti ani ni nga mi randa, na nanu mi fanete kurandana.

Ndando ya Tindando 7:13

Mandragora ma humisa kubhumula ka ona, ni sikenini kwathu ku ni mihando ya totshe tixaka, ya yiphya ni ya kale; yi ni ku xayiselako yona, awe txirandwa txangu.

Mavingu 11:30

Mihando ya m'thu wo lulama mndonga wa wutomi, se wule a manako mihefemulo a txharihile.

Ezra 7:6

Ezra wuwa a to kwela ngu Bhabhilona; kambe i ti mabhalani wamnene wa Mlayo wa Mosi, wo ningwa ngu Mkoma, Txizimu txa Israyeli; kuve dianza da Mkoma, Txizimu txakwe, di ti ti txitimwi kwakwe, mfumeli a mningile sotshe sile a nga ti ti mkombela.

Vaefesu 3:4

Ngako mi txi gonda ti ni nga mi bhalela, mi nga wona wuzivi wangu ka msisalo wuwa wa Kristu;

2 Vakorinto 6:10

Ho nga ho xaniswa, kuve ha tsaka yotshe mbimo. Hi wonwa nga hi sisiwana, kasi hi fumisa votala. Hi wonwa nga kha hi na txilo, kasi hi ni sotshe.

1 Timoti 3:6

Kulaveka i si nga wu i ku ngadi kwakwe kuhunduluka, kasiku asi ti kulisi, se e wela mu kuabaniswani ka Sathani.

Matewu 13:51

“Se Jesu a to khene ka vagondiswa vakwe: Mi ti mani totshe timhaka tiya kani?” Se va nje kha vona kwakwe: “Ina!”

Matewu 13:53

Ngako Jesu a di gwitile kuwomba sidinganiso siya, a to khukha konaho.

Matewu 28:19

Ngu toneto, tsulani mi txi ya phindula vamatiko votshe, ve maha vagondiswa vangu, mi va bhabhatisa ngu ditina da Tate, ni da Mwanana, ni da Moya wo Sawuleka,