Matewu 13:51 - Bhiblia Yo Sawuleka

⁵¹ “Se Jesu a to khene ka vagondiswa vakwe: Mi ti mani totshe timhaka tiya kani?” Se va nje kha vona kwakwe: “Ina!”

Matewu 13:51 Referans Kwoze

Marku 4:34

Kha womba mhaka kwawe, hahanze ka kumaha ngu sidinganiso. Se ngako va di phuho, a ti ti txhamusela totshe timhaka ka vagondiswa vakwe.

Matewu 13:19

Ngako m'thu a txi engisa dipswi da Mfumo, asi di engisisi, kuta m'bihi e ta fukula asile si nga ti phayilwe mbiluni kwakwe; awuwa njifananiso txa mbewu ya kuwela ha nzila.

Matewu 13:11

Se ene a to va xamula a txi khene. “Nguko anu mi ningilwe kuziva misisalo ya Mfumo wa nzumani, aniko vona kha va ningwa txilo.

1 Johani 5:20

Athu ha tiziva ti to a tile Mwanana wa Txizimu, e ta hi ninga mapimo, kasi kuziva Txizimu txa ditshuri. Se athu hi maneka hi di tshangani ni Txizimu txi i ku txa ditshuri, ngu konaho ka Mwanana wa txona Jesu Kristu. Awuwa ngene i ku Txizimu txa ditshuri ni wutomi wo mbi guma.

Marku 7:18

Se a txi khene kwawe: “Kasi nanu mi ngadi mi txi pwata kupfisisa kani? Kha mi tizivi ti ta ku sotshe si si ku hahanze, ngako si txi wulela ka m'thu, kha si sikoti ku mu bihisa.

Matewu 24:15

“Ngu konaho, mbimo yi mi no wona manyala a kuthisa, ma nga songolela kuwombwa ngu mprofeti Dhaniyeli ma di talete wukhalo wo sawuleka, (awu a gondako a na ti pfisise!)

Matewu 16:11

Kha mi ti mani ngu txani ti to kha ni wombawombi ngu mapawu, aku ni nga khani: ‘Ti woneleni ka mtshumbelo wa Vafarisi ni wa Vasadhusi’ kani?”

Matewu 15:17

Kha mi tizivi ti taku sotshe si si wulelako mkanani sa pinda siya mndani, se si humiswa hahanze kani?

Matewu 13:50

Ti na va tshotsha mdhikilani ka hombe ka mndilo wo tura, koneyo ku nava i di ka kudila ni kugegeresela ka makwasa.”

Matewu 13:52

Se a to va gela kambe a txi khene: “Ngu toneto, m'bhali wuhi ni wuhi a nga gondiswa timhaka ta Mfumo wa nzumani, a fana ni wu i ku nyamne wa m'ti, awuwa, ka txuma txakwe, a humisako sasiphya ni sa kale.”