Matewu 13:47 - Bhiblia Yo Sawuleka

⁴⁷ “Mfumo wa nzumani kambe wu fana ni likoka, li nga nawulutwa lineneni, li sengeletako totshe tixaka ta sihaka.

Matewu 13:47 Referans Kwoze

Johani 15:6

Wuhi ni wuhi asi zumbiko kwangu, a na tshotshwa hahanze, a txi oma kufana ni didhavi. Madhavi o ngeto, ma rolelwa ma txi rinzwa ha mndiloni, ma txi hiswa.

Mtuletelo 3:1

Ka ngelozi ya Dibanza da Sardhisi, bhala u txi: “A womba tiya awule a ku ni mtxhanu wa Mimoya ni yimbidi ya Txizimu ni tinyeleti ta mtxhanu ni timbidi: Na yi ziva mithumo yako: U na ni nduma ya ti to wa hanya, kasi u fite.

Marku 1:17

Jesu a to va gela a txi khene: “Ni londiseni, ni na mi maha vadoti va vathu.”

Vagalatiya 2:4

mhaka yiya yi wusilwe ngu va va ti wombako ku mbanathu, na kasi makuhu; evo va ti ko txholovela hagari kwathu ngu kukanganyisa, kasi kumbwingamela kuwona wuthuseki wathu, awu wu tako ngu ka Kristu Jesu, kufela kuve tshumela ve hi wuleta wukhumbini.

2 Vakorinto 11:26

Ni mahile mapfhumba o tala. Ni manwi ngu tiphango ta tingi ta minambo, ni tiphango ta sigevenga, tiphango ta kumahwa ngu va ka kwathu, ni tiphango ta kuta ngu ka vamatiko, tiphango ta didhoropani, tiphango ta txiwulani, tiphango ta lineneni, tiphango ta kuvangwa ngu vanathu va makuhu.

Mithumo 20:30

ni ti to hagari kwanu va na humelela vathu, ava va nota bwabwatela to soholoka, kufela kuva txi ti lavela vagondiswa.

Luka 5:10

A tetwe ngu kuthava nene Jakobe ni Johani, vanana va Zebhedhewu, i nga ti vakoki kulowe ni Simoni. Aniko Jesu a to gela Simoni a txi khene: “U nga thave. Kukhukhela ka nyamsi, u na va u di mkoki wa vathu.”

Matewu 4:19

A to va gela a txi khene: “Ni londiseni, ni na mi maha vakukuti va vathu.”

1 Vakorinto 11:19

Ta laveka ti to hagari kwanu ku txi va ni mibango, kufela ku va ve woneka ava i ku vavanene ngu ditshuri.

Johani 15:2

Didhavi dihi ni dihi di ku kwangu, adiya di si velekiko mihando, wa di wila, se adiya di vekako mihando, wa di sanda, kasiku di txi thela mihando yo tala.

Ezekhiyele 47:10

Vadoti ni vona va na va hafuhi ka txinambwana; kukhukhela Eni-Gedhi, kala Eni-Eglayime, ku nava ni wukhalo wo nawuluta tikoka; sihaka sa kona, ngu tixaka ta sona, si na nga sihaka sa Linene la Hombe, ngu kutala ngutu.

Matewu 13:44

“Mfumo wa nzumani wu fana ni txuma txi txi nga siswa thembweni kokari, txuma txi m'thu a nga txi tumbula, se e engeta e txi sisa. Kambe kutsakani kwakwe, a to tsula eya xavisa sotshe si a ku naso e xava thembwe yile.

Matewu 13:46

Se a di mani dhayimana yimweyo ya dibhindu da hombe, a to tsula eya xavisa sotshe si a ku naso, kasi ku ta yi xava.”

Matewu 13:48

Se ngako li di tate, vakoki va ndinda ve li yisa mabambe, ve khalahatsha ve sawulela sa sinene, ve si sengeleta amu siyani kwawe; se asi i ku so biha, ve si tshotsha kule.