Matewu 13:44 - Bhiblia Yo Sawuleka

⁴⁴ “Mfumo wa nzumani wu fana ni txuma txi txi nga siswa thembweni kokari, txuma txi m'thu a nga txi tumbula, se e engeta e txi sisa. Kambe kutsakani kwakwe, a to tsula eya xavisa sotshe si a ku naso e xava thembwe yile.

Matewu 13:44 Referans Kwoze

Vakolosa 2:3

awu i ku kwakwe txi nga siswa txotshe txuma txa wutxhari ni wuzivi.

Luka 14:33

Ina-ko, ngu toneto, wuhi ni wuhi kwanu, asi tumeliko kuleka sotshe si a ku naso, kha na kumaha m'gondiswa wangu.”

Matewu 6:21

Nguko ahawa yi ku kona thomba yako, ni mbilu yako yi na va konaho.”

Matewu 19:29

Se wuhi ni wuhi, a nga leka tinyumba, vanawe, tindiyakwe, tate, mame, msikati, vanana mwendo tithembwe ngu mhaka ya ditina dangu, a na amukela sa kupinda ngutu asile, se ngu msana a na mana thomba ya wutomi wo mbi guma.

Mavingu 16:16

I txhuko ngutu kumana wutxhari kupinda kumana nzalama! Kambe i txhuko ngutu kumana mapimo kupinda silivhela.

Mavingu 23:23

Xava wunene, aniko u nga wu xavise; ina, wutxhari, gondo, ni kupimisisa.

Mtuletelo 3:18

Na kulaya ti to u ta xava kwangu nzalama yo tshuriswa ngu mndilo, kasiku u txi maha nyatithombe, u xava syambalo so basa, kasiku u ti fenengeta ti to ku si woneki tingana ta wusakato wako, ni mafura o tota maso ako, kasiku u wona.

Matewu 19:27

Pedro a to womba kwakwe a txi khene: “Athu hi lekile sotshe, hi kulondisa, se hi na dihelwa ngu txani kani?”

Matewu 19:21

Jesu a to xamula, a txi khene: “Ngako u txi lava kumaha m'thu wo hetiseka, tsula u txi ya xavisa sotshe si u ku naso, u txi ninga sisiwana, u na ya mana thomba nzumani; se ngono u txi ni londisa.”

Isaya 55:1

Anu motshenu mi ku ni ditora, ngonani matini, ni nanu mi singako ni male, ngonani mi ta xava, mi dya; Ina, ngonani mi ta xava, mi si nga ni male, mi si nga ni mtengo, vhinya ni masi.

Varoma 15:4

Se totshe ti ti nga bhalwa kale, ti bhaletwe ku ti txi hi gondisa; kasiku hi mana txithembo ngu kuhonisela ni thavelelo yi hi yi manako amu ka Mibhalo.

Matewu 13:24

Jesu a to va mahela tximwani txidinganiso, a txi khene: “Mfumo wa nzumani wu fana ni m'thu a nga phaya mbewu ya yinene thembweni kwakwe.

Vahebheru 10:34

Nguko, anu mi pfite kuxaniseka ngu vale va nga ti mikorani, mi tumete ngu kutsaka ve mi tekela simaha sanu, ngukuva mi ti ti kholwa ngu kutsana ti to mi na mana thomba ya tshuko ni yo mbina magwito.

Johani 6:35

Jesu a to va angula a txi khene: “Ani ngani dipawu da wutomi. Awu a tako kwangu, kha na mbiswa a txi pfa nzala; awu a kholwako kwangu kha na mbiswa a txi pfa ditora.

Mavingu 17:16

Ina txiphukuphuku txi nga vhuneka ngu kuxava wutxhari ngu male, na kuve txona kha txi nga ni mapimo kani?

Vakolosa 3:16

Dipswi da Kristu di na ake timbiluni kwanu ngu kutatiseka, na mi txi gondisana ni kulayana ngu wotshe wutxhari, ni kukombelelana ngu masalmo ni mizeno ni tindanto ta moya; embelelani ngu yotshe mbilu ka Txizimu, mi txi komba kubonga kwanu.

Mavingu 18:1

Awule a ti vekako kule a xota maalakanyo akwe ekha; ene a lwisa wutxhari wa ditshuri.

Jobe 28:13

M'thu kha zivi lisima la wutxhari; wutxhari kha wu maneki ka mafu a vo hanya.

Matewu 13:46

Se a di mani dhayimana yimweyo ya dibhindu da hombe, a to tsula eya xavisa sotshe si a ku naso, kasi ku ta yi xava.”

Matewu 13:47

“Mfumo wa nzumani kambe wu fana ni likoka, li nga nawulutwa lineneni, li sengeletako totshe tixaka ta sihaka.