Matewu 13:43 - Bhiblia Yo Sawuleka

⁴³ Se valulami va na phatima nga ditambo Mfumoni ka Tate wawe. Awu a ku ni tinzeve a na engise!”

Matewu 13:43 Referans Kwoze

Dhaniyeli 12:3

Titxhari koko ti na phatima kufana ni kuphatima ka mzuma; ni vale va kombako vathu nzila ya kululama va na woninga ku nga tinyeleti, mbimo yotshe ni ha ku si gwitiko.

Luka 12:32

Mi nga thaveni txilo, anu mi ku mtxhambi wa wudothoanyana, nguko ti tsakisile Tate wanu ku mi ninga Mfumo!”

Matewu 11:15

Awu a ku ni tinzeve to engisa a na engise!”

Matewu 25:34

“Sekoko Mfumeli a na gela vale va ku txinene a txi khene: ‘Ngonani anu mi nga katekiswa ngu Tate wangu, amukelani thomba ya Mfumo, ayi mi nga lulamiselwa kukhukhela di txi mahwa ditiko.

Jakobe 2:5

Engisani, vanathu vo randeka: Ina kasi Txizimu kha txa langa vathu va sisiwana ditikoni muwa, kufela kuve maha vanyatithombe mu ka likholo, ni vadyi va thomba ya Mfumo wu txona Txizimu txi nga wu thembisa ka vale va txi randako, kani?

1 Vakorinto 15:58

Se ngu toneto, vanathu vo randeka, zumbani mi di tsani, mi si xulwi ngu txilo. Khutalani miya masoni ka mthumo wa Mkoma, na mi txi tiziva tito, masoni ka Mkoma, mthumo wanu hi nga wa mahala.

Luka 22:29

Kufana ni kuwa Tate wangu a nga ni ninga wukoma, nanani na wu ningela wukoma wuwa kwanu,

Matewu 26:29

Aniko ni khani kwanu: Kukhukhela konkuwa, kha ni na mbi sela kambe m'hando wa m'vhinya, kala ditshiku di ni nota wu sela i di wa wuphya, kumweko ni nanu, Mfumoni ka Tate wangu.”

Matewu 25:36

Ni ti si nga ni sakuambala, aniko mi ni ambekile; ni ti ti lwala, se mi tile mi ta ni xola; ni ti ti ku khotelwani, mi tile mi ta ni dingula.’ ”

Marku 4:23

M'thu ngako a di ni tinzeve ta kuengisa a na engise.”

Eksodha 34:35

Vanana va ka Israyeli va woni khohe ya Mosi yi txi phatima, se ene a to engeta a txi ti fenengeta khohe ngu nguwo, kala kuza a txi wulela kambe kasiku a txi ya womba-womba nayo Mkoma.