Matewu 13:41 - Bhiblia Yo Sawuleka

⁴¹ Mwanana wa M'thu a na rumela tingelozi takwe, ati ti no thavisa ka Mfumo wakwe votshe va i ku vakhuvekisi ni votshe va va mahako to biha,

Matewu 13:41 Referans Kwoze

Matewu 24:31

Ene a na rumela tingelozi takwe ngu kuvetwa ka mpundu wa hombe, kasi kuramba vasawuleki vakwe ngu ka otshe maphambo a mune, kukhukhela magemeta-mitshi ka nzuma kala kumwani magemeta-mitshi ka yona nzuma.”

Mtuletelo 21:27

Ka dona kha ku na mbi thuka ku txi wulela ni txihi txilo txa nzambwa, hambi va va mahako to nyenyeza ni vamakuhu. Va na wulela dwe avale va nga bhalwa dibhukuni ka wutomi wa Txinvutana.

Matewu 18:7

Di na ni dikhombo ditiko ngu mhaka ya sikhuvekiso! Kha ditshuri sikhuvekiso si fanete ku va ho, aniko ana ni dikhombo m'thu wuwa sikhuvekiso si tako ngu kwakwe.

Vahebheru 1:14

Ina tingelozi totshe hi nga mimoya yi yi thumako mithumo, ayi yi nga rumelwa kuthumela avale va fanelako kuamukela thomba ya kuhanyiswa, kani?

Varoma 2:16

Ngu tona tiya ti nota humelela ngu ditshiku diya Txizimu txi nota lamula, ngu Jesu Kristu, sikungo sa vathu nga kuwomba ka Evhangeli yi ni yi txhumayelako.

Matewu 13:49

Ngu toneto, ti no maheka kugumani ka ditiko: Tingelozi ti na huma ti tekela ava vo biha hagari ka va vo lulama.

Marku 13:27

Ene a na rumela tingelozi takwe, ti txi tshanganisa votshe vale va nga sawulwa, va otshe madhawa a mune, kukhukhela magemeta-mitshi ka mafu kala magemeta-mitshi ka nzuma.”

Matewu 8:20

Jesu a ti khene kwakwe: “Vanyapwe va ni mikele, ni sinyana sa nzuma si ni sisaka, kambe Mwanana wa M'thu kha na wukhalo wuwa a khigetako ka wona msungo wakwe.”

Zefaniya 1:3

Ni na fuvisa vathu ni sihari, ni na fuvisa sinyana sa nzuma ni sihaka sa linene, ni sikhunguvanyiso sa va wubihi; kambe ni na fuvisa vathu txitimwi ka mafu, kuwomba Mkoma.

2 Samuwele 23:6

Kambe vanana va Bheliyali votshe va na fana ni mipa yo tshotshwa kule, nguko kha ti koteki ku yi ñola ngu manza.

Matewu 3:12

Manzani kwakwe a ni txiselo, a na hiyela txithathe txakwe, se a na sengeleta fulaho yakwe txisangalani, aniko makamba a na ma hisa ngu mndilo wo mbi timeka.”