Matewu 13:36 - Bhiblia Yo Sawuleka

³⁶ Sekoko ngako a di lekile mabutho, Jesu a to wulela nyumbani. Se vagondiswa vakwe ve tshuketela hafuhi kwakwe, va txi kha vona. “Hi txhamusele txidinganiso txa nyasafari wa thembweni.”

Matewu 13:36 Referans Kwoze

Marku 8:9

Kasi ava va nga dya va ti hafuhi ka 4.000 wa vathu. Se e va tsulisa.

Marku 7:17

Ku ti ngako a di wulete nyumbani, e siya dibutho, vagondiswa vakwe va to mu wotisa ngu txifaniso txiya.

Marku 6:45

Se Jesu kunukunuko a to kurumeta vagondiswa vakwe ti to ve wulela ngalavani ve thangela veya ka phuho ya mtxhatuko, ka kugwatama ni Bhetsayidha, na ene a di ngadi e tshumeta dibutho.

Matewu 13:11

Se ene a to va xamula a txi khene. “Nguko anu mi ningilwe kuziva misisalo ya Mfumo wa nzumani, aniko vona kha va ningwa txilo.

Matewu 13:1

Ka dile ditshiku, Jesu a to huma ngu nyumbani eya khalahatsha hafuhi ni linene.

Matewu 9:28

Ngako a di hokile nyumbani, mabhofu ma to mu tshuketela. Se Jesu a txi khene kwawe: “Ma tumela ti to ni nga sikota kumaha eto kani?” Vona va txi kha vona kwakwe: “Ina, Mkoma!”

Matewu 15:39

Se msana ka kuva a di tshumetile dibutho, a to wulela ngalavani eya ditikoni ka Magadhani.

Matewu 14:22

Se kunukunuko Jesu a to kurumeta vagondiswa ti to ve wulela ngalavani, ve thangela kuya mtxhatuko, na ene a di ngadi a txi salisana ni dibutho.

Marku 4:34

Kha womba mhaka kwawe, hahanze ka kumaha ngu sidinganiso. Se ngako va di phuho, a ti ti txhamusela totshe timhaka ka vagondiswa vakwe.

Matewu 13:18

“Ngu konaho engisani kha kwati txidinganiso txa mphayi.

Matewu 13:25

Aniko, hagari ka wusiku, vathu, va di otete, a tile mlala wakwe a ta phaya nyasavari hagari ka fulaho, se ngu msana e huma.