Matewu 13:32 - Bhiblia Yo Sawuleka

³² I mbewu ya yidotho ngutu ka totshe timbewu, aniko msana ka kuva yi di kute, yi maha tximilwa txa hombe kupinda sotshe similwa sa thembweni, yi txi kula yi maha mndonga, ahawa koza hambi sinyana sa nzuma si ta zumba madhavini ka wona.”

Matewu 13:32 Referans Kwoze

Ezekhiyele 31:6

Sotshe sinyana sa nzuma si to aka sisaka ka madhavi a wona, ni sotshe sihari sa txitinga si to velekela hahatshi ka madhavi a wona, Se votshe vathu va to khalahatshela ka mtsudi wa wona.

Dhaniyeli 4:12

Mazokoro a kona ma ti ti tshurile, ni mihando ya wona i ti yayingi, wu ti ni sakudya sa kueneta votshe vathu; Sihari sa txitinga si ti ti zumba ka mtsudi wa wona, ni sinyana sa nzumani si ti ti aka sisaka ka madhavi ya wona, sivangwa sotshe si si hanyako si ti ti mana sakudya ka wona.

Mithumo 21:20

Vona va ti dhumisa Txizimu ngu tile va nga ti tiengisa. Va txi gela Paulo, va txi kha vona: “Wa ti wona, mwanathu, ti to magumi a mazana a Vajudha va amukete likholo, hambiko votshe i ku vakhutaleli va Mlayo;

Zakariya 4:10

Nguko i mani a eyisako ditshiku da timhaka ta tidotho kani? Ina, nguko eyo a na tsaka mbimo yi a no wona ngoti ya lipimo manzani ka Zorobhabheli. Ngu ona maso a mtxhanu ni mambidi a Mkoma, ma wonetelako kotshe ha mafuni.

Masalmo 104:12

Tikasani ka minambo, sinyana sa nzuma si aka sisaka sa sona; si emba si di madhavini ka mindonga!

Mtuletelo 11:15

Se ngelozi ya wutxhanu ni timbidi yi to veta mpundu wa yona. Konako ku to pfala mapswi a mtamo nzumani, ma txi kha ona: “Mfumo wa mafu konkuwa wu lumba Mkoma wathu ni Kristu wakwe, se ene a na fuma ngu ha ku si gumiko.”

Mithumo 1:15

Ka ona ale masiku, Pedro a to khukha a txi ema hagari ka msengeletano wa vanawe, avava mtengo wawe wu nga ti lava kuhoka ka 120, a txi khene:

Marku 4:30

E engeta kambe a txi khene: “Mfumo wa Txizimu hi na wu fanisa ni txani? Hi na wu kombisa ngu txidinganiso muni kani?

Marku 4:32

Kambe ngako yi di phayilwe, ya kula yi pinda mindonga yotshe ngu kukula, yi va ni madhavi a hombe ahawa ka kuza sinyana sa nzumani si nga aka mtsudini ka yona.”

Luka 13:18

Se a txi khene: “Mfumo wa Txizimu wu fana ni txani, ni na wu fananisa ni txani kani?