Matewu 13:3 - Bhiblia Yo Sawuleka

³ Se a to va gela timhaka ta tingi ngu sidinganiso, a txi khene: “Wonani mphayi a to huma a txi ya phaya.

Matewu 13:3 Referans Kwoze

Marku 4:13

A to engeta a txi khene kwawe: “Ina kha mi txi pfisisi txidinganiso txiya kani? Idito, se mi na pfisisa kutxani sotshe sidinganiso kani?

Marku 4:33

E va txhumayela dipswi da Txizimu ngu sidinganiso so tala, nga ti va nga txi sikotisa tona ku di pfisisa.

Matewu 13:53

Ngako Jesu a di gwitile kuwomba sidinganiso siya, a to khukha konaho.

Masalmo 78:2

Ni lava kuwombawomba ngu sidinganiso ni mi kombisa masambala a mbimo ya kale,

Marku 12:12

Va ti lava ku mñola, aniko ve thava dibutho ngukuva va di ti pfite ti to a womba-womba ngu vona ka txidinganiso txiya. Se ve mu leka, ve tsula.

Masalmo 49:4

Ni na engisisa tigondo ta wuzivi ni na txhamusela wuzivi wuwa ngu kuveta ka txitende.

Johani 16:25

Ni mi gete timhaka tiya ngu sidinganiso. Kambe ya ta mbimo yi ni no mbiswa ni txi mi wombawombela ngu sidinganiso, aniko ni na mi zivisa ta Tata, ni txi ti womba ha kubasani.”

Luka 12:41

Konaho Pedro a ti khene: “Mkoma, u mahela athu txidinganisotxo mwendo u mahela votshe kani?”

Luka 8:10

Ene a ti khene kwawe: “Anu mi ningilwe kuziva misisalo ya Mfumo wa Txizimu, kambe vamwani va gelwa ngu sidinganiso, tito, hambi va txi wona, va si wonisisi, hambi va txi engisa, va si ti pimi.”

Marku 12:1

Se a to khata kuwombawomba kwawe ngu sidinganiso, a txi khene: “M'thu a to phaya mivhinya e mi ranganyeta ngu libhiyo, a txi kelela nzeka yo kamela ka yona mihando, e aka txitezi. Msana keto, a to yi ningela ka vadimi, se ene e teka dipfhumba.

Marku 3:23

Ku ti ngako ene a di va dhani kwakwe, a to va gela ngu txifaniso a txi khene: “Sathani a nga sikotisa kutxani kutovela Sathani kani?

Matewu 24:32

“Gondani ngu txidinganiso txa mkuwu: Ngako madhavi a wona ma txi nyuka ni kuthunga linyenvu, ma tiziva ti to malanga ma hafuhi.

Habhakuki 2:6

Ina koko kha va na mbi mu wukela votshe vava, ngu likaringani ni wombelo yo mnemetisela, va txi kha vona: Dikhombo ka wule a andisako asi i singako sakwe (kala yihi mbimo!) Ni wule a ti rwekako sikweneti apune.

Mika 2:4

Kedo ditshiku, va na thula divingu txitimwi kwanu, kambe va na wusa txidilo txo thisa, va txi kha vona: Hi hoxotilwe do gwita! A tekile thomba ya vathu vangu! Eto a ni handisako tona! A teka tithembwe tathu e ti abanisela!

Ezekhiyele 20:49

Sekoko ani ni to khani: Yowe! Awe Mkoma Txizimu! Vona va womba tiya ngu ngani: Ina hi nga ene wu wa kuwombetela sifananiso dwe kani?

Ezekhiyele 17:2

Awe mwanana wa m'thu, maha txidinganiso ka nyumba ya ka Israyeli.

Matewu 22:1

Sekoko Jesu a to engeta a txi womba-womba ngu sidinganiso a txi khene kwawe:

Matewu 13:4

Mbimo yi a nga ti phaya, yimwani mbewu yi to wela ha nzila, se si ta sinyana si ta yi jokotela.